– تارتىپسىزدىك كەزىندە شابۋىل جاساعانداردىڭ سانى بىرنەشە ەسە كوپ بولۋىنان قۇقىق قورعاۋ ورگاندارىنىڭ قىزمەتكەرلەرى اگرەسسيانى توقتاتا المادى. كادرلاردان كورگەندەي، 18-20 جاستاعى پوليسەيلەر مەن ساربازداردى قاتىگەزدىكپەن سوققىعا جىقتى. كۇش قۇرىلىم قىزمەتكەرلەرى اراسىندا 3،5 مىڭعا جۋىعى جاراقات الدى نەمەسە سول كۇندەرى جاراقاتتانعانداردىڭ 80 پايىزى قۇقىق قورعاۋ ورگاندارىنا تيەسىلى، – بەرىك اسىلوۆ.
وسى ورايدا سول كەزدىڭ وزىندە تارتىپسىزدىككە قاتىسقاندارعا كۇش قولدانىلماعانىن ايتتى.
– وسى جاعدايدا پوليسيا قىزمەتكەرلەرى، ۇلتتىق ۇلان مەن قارۋلى كۇشتەردىڭ اسكەري قىزمەتشىلەرى سوڭىنا دەيىن زورلىق-زومبىلىقتى تەجەۋگە تىرىسىپ، اتىس قارۋىن قولدانبادى، – دەدى باس پروكۋرور.
ونىڭ سوزىنە قاراعاندا، قۇقىق قورعاۋ ورگاندارىنىڭ قىزمەتكەرلەرى رەزەڭكە وق پەن كوزدەن جاس اعىزاتىن گازدى جانە باسقا دا ارنايى قۇرالداردى پايدالانباعان. «مۇنى تارتىپسىزدىككە قاتىسقاندار السىزدىك رەتىندە كورىپ، توپتار جوعارى ەكپىنمەن قىزمەتكەرلەرگە شابۋىل جاسادى، ياعني اتىس قارۋى مەن باسقا دا زاتتاردى قولداندى» دەدى باس پروكۋرور.
