كەشە ماسكەۋدە قازاقستان پرەزيدەنتى قاسىم-جومارت توقايەۆ پەن رەسەي باسشىسى ۆلاديمير ءپۋتيننىڭ بۇقارالىق اقپارات قۇرالدارىنا بىرلەسكەن مالىمدەمە جاسادى، دەپ حابارلايدى Dalanews.kz.
پۋتين ورىس ءتىلى قازاقستاندا كەڭىنەن جانە ەركىن قولدانىلاتىنىن اتاپ ءوتتى.
«قازاقستاندا ورىس ءتىلى كەڭىنەن جانە ەركىن قولدانىلادى. سول ءۇشىن قازاقستان پرەزيدەنتىنە العىس ايتامىن»، - دەدى پۋتين.
رەسەي پرەزيدەنتىنىڭ ايتۋىنشا، قازاقستان كونستيتۋسياسىنا سايكەس، ورىس ءتىلى رەسمي مارتەبەگە يە جانە ونى ءومىردىڭ ءتۇرلى سالالارىندا قولدانۋ رەسپۋبليكانىڭ باسشىلىعى تاراپىنان قولداۋ تاۋىپ وتىر.
ول رەسەي ۇكىمەتىنىڭ قولداۋىمەن الداعى ۋاقىتتا قازاقستاننىڭ وڭتۇستىگىندە - قىزىلوردا، تاراز جانە تۇركىستان قالالارىندا ءۇش ورىس ءتىلدى مەكتەپ اشىلاتىنىن ايتتى.
