پۋتين مەن ميرزيەيەۆ وزبەكستاندا كەلىسسوز جۇرگىزدى. ولاردىڭ اراسىندا قانداي كەلىسىم جاسالدى؟

Dalanews 28 مام. 2024 15:57 1819

ءپۋتيننىڭ بۇل ساپارىن تاريحي وقيعا دەپ باعالاۋعا بولادى، ويتكەنى، ميرزەيەۆپەن جاڭاشا قارىم-قاتىناس كەزەڭىنە بەت الدى.
كەزدەسۋ بارىسىندا رەسەي مەن وزبەكستان دەلەگاسيالارى 20-دان اسا كەلىسىم جاساپ، ءبىرقار مەموراندۋم بەكىتتى، دەپ حابارلايدى Dalanews.kz. 

▪️نەندەي ماسەلەلەر تالقىلاندى:

• تولەم جۇيەسىندە ۇلتتىق ۆاليۋتالارعا كوشۋ.

ءپۋتيننىڭ ايتۋىنشا، بىلتىر ەكى ەل اراسىنداعى كوممەرسيالىق ترانزاكسيالارداعى ءرۋبلدىڭ ۇلەسى 58 پايىزعا جەتكەن.

• «مير» كارتاسى ارقىلى جاسالاتىن تولەمدەرگە بالاما تابۋدىڭ ماڭىزى جايلى؛

• بۇۇ، تمد، شىۇ جانە باسقا دا پلاتفورمالار اياسىندا تىعىز ءوزارا ءىس-قيمىلدىڭ ماڭىزدىلىعى تۋراسىندا؛

• رەسەيلىك «گازپروم» جانە «لۋكويل» كومپانيالارىنىڭ وزبەكستانداعى جاڭا كەن ورىندارىن بەلسەندى يگەرىلۋى جونىندە؛

قانداي كەلىسىمدەر جاسالدى:

• ەلدەر اراسىنداعى تاۋار اينالىمىنىڭ 30 ملرد دوللارعا دەيىن ءوسۋى تۋرالى

• وزبەكستانعا گاز جەتكىزۋدى ارتتىرۋ تۋرالى

• رەسەي فەدەراسياسىنان وزبەكستانعا تەمىر جول تەحنيكاسىن جەتكىزۋ تۋرالى

• رەسەي فەدەراسياسىندا وزبەكستان ازاماتتارى ءۇشىن لايىقتى ەڭبەك جاعدايلارىن قامتاماسىز ەتۋ تۋرالى

• ەڭبەك كوشى-قونى سالاسىنداعى ءتارتىپتى بىرلەسىپ ورناتۋ تۋرالى

• وزبەكستان كولدەرىندە ەكى جاڭا ەلەكتر ستانسياسىنىڭ قۇرىلىسىن سالۋ تۋرالى

• وزبەكستاننىڭ رەسەي فەدەراسياسىندا ساۋدا وكىلدىگىنىڭ اشىلۋى تۋرالى

قانداي كەلىسىمگە قول قويىلدى:

• وزبەكستان اۋماعىندا اتوم ەلەكتر ستانسيالارىن سالۋداعى ىنتىماقتاستىق تۋرالى كەلىسىم

• كولىك ماشينا جاساۋ سالاسىنداعى ىنتىماقتاستىق تۋرالى مەموراندۋم

• وزبەكستاندا باۋمان اتىنداعى متۋ فيليالىن اشۋ تۋرالى كەلىسىم.

• دەنساۋلىق ساقتاۋ جانە دارىلىك زاتتاردى رەتتەۋ تۋرالى حاتتامالار

• وزبەكستان ەنەرگەتيكا مينيسترلىگى مەن «گازپرومنەفت» اراسىنداعى ىنتىماقتاستىقتى كەڭەيتۋ بويىنشا جول كارتاسى. 


ۇسىنىلعان
سوڭعى جاڭالىقتار