تٷركسٸب اۋداندىق سوتىندا پروباتسييا قىزمەتٸنٸڭ ا.ەپسەيتوۆقا قاتىستى بۇرىن تاعايىندالعان جازانى شارتتى تٷردە جازامەن اۋىستىرۋ تۋرالى ۇسىنىسى قارالدى, – دەپ حابارلايدى Dalanews.kz.
ٶتٸنٸش پروباتسييا رەجيمٸ تالاپتارىنىڭ بٸرنەشە رەت بۇزىلۋىنا بايلانىستى ۇسىنىلعان.
سوتتالعان ازاماتتىڭ ۋەكٸلەتتٸ ورگانعا حابارلاماستان ەكٸمشٸلٸك-اۋماقتىق بٸرلٸك شەگٸنەن تىس جەرلەرگە شىعىپ, ول جەردە ويىن-ساۋىق مەكەمەلەرٸنە بارىپ, ٶزٸن «پرەزيدەنتتٸڭ سىبايلاس جەمقورلىققا قارسى ساياساتىنا جەردەمدەسۋ ورتالىعى» كمم تٶراعاسىنىڭ كەڭەسشٸسٸمٸن دەپ تانىستىرعاندىعى انىقتالدى. سونىمەن قاتار ٸس-شارالارعا قاتىسىپ, تەلەارنالارعا سۇحبات بەرگەنٸ مەلٸم بولىپ وتىر.
بۇعان دەيٸن ەۋەزوۆ اۋداندىق سوتىنىڭ 2023 جىلعى 2 قاراشاداعى ٷكٸمٸمەن ا.ەپسەيتوۆ قر قك-نٸڭ 190-بابىنىڭ 4-بٶلٸگٸنٸڭ 2-بٶلٸگٸمەن (الاياقتىق) كٸنەلٸ دەپ تانىلىپ, 5 جىلعا شارتتى تٷردە باس بوستاندىعىنان ايىرۋ جازاسى تاعايىندالعان.
سوت شەشٸمٸمەن پروباتسييا قىزمەتٸنٸڭ ۇسىنىسى قاناعاتتاندىرىلدى.
ەندٸ شارتتى جازا ناقتى جازاعا اۋىستىرىلدى.
جازانى ٶتەۋ مەرزٸمٸ 2024 جىلدىڭ 4 قاراشاسىنان باستاپ ەسەپتەلەدٸ.
