Túrksib aýdandyq sotynda probatsiia qyzmetiniń A.Ápseitovqa qatysty buryn taǵaiyndalǵan jazany shartty túrde jazamen aýystyrý týraly usynysy qaraldy, – dep habarlaidy Dalanews.kz.
Ótinish probatsiia rejimi talaptarynyń birneshe ret buzylýyna bailanysty usynylǵan.
Sottalǵan azamattyń ýákiletti organǵa habarlamastan ákimshilik-aýmaqtyq birlik sheginen tys jerlerge shyǵyp, ol jerde oiyn-saýyq mekemelerine baryp, ózin «Prezidenttiń sybailas jemqorlyqqa qarsy saiasatyna járdemdesý ortalyǵy» KMM tóraǵasynyń keńesshisimin dep tanystyrǵandyǵy anyqtaldy. Sonymen qatar is-sharalarǵa qatysyp, telearnalarǵa suhbat bergeni málim bolyp otyr.
Buǵan deiin Áýezov aýdandyq sotynyń 2023 jylǵy 2 qarashadaǵy úkimimen A.Ápseitov QR QK-niń 190-babynyń 4-bóliginiń 2-bóligimen (alaiaqtyq) kináli dep tanylyp, 5 jylǵa shartty túrde bas bostandyǵynan aiyrý jazasy taǵaiyndalǵan.
Sot sheshimimen probatsiia qyzmetiniń usynysy qanaǵattandyryldy.
Endi shartty jaza naqty jazaǵa aýystyryldy.
Jazany óteý merzimi 2024 jyldyń 4 qarashasynan bastap esepteledi.
