پرەزيدەنتتٸڭ اعىلشىن تٸلٸندەگٸ تۆيت-جازبالارى ەلەمدٸك قاۋىمداستىققا ناقتى اقپاراتتى جەتكٸزدٸ
– مەملەكەت باسشىسى Twitter-دەگٸ پاراقشاسىندا اعىلشىنتٸلدٸ اۋديتوريياعا ارناپ, اعىلشىن تٸلٸندە ونشاقتى تۆيت-جازبا قالدىردى. ٶيتكەنٸ شىنى كەرەك, كٶپتەگەن ەلەمدٸك قاۋىمداستىقتىڭ ٶكٸلدەرٸ بٸزدەگٸ احۋالدى ەڭ العاش ماڭعىستاۋدا باستالعان بەيبٸت شەرۋ دەپ قابىلداپ جٷر. سوعان قارسى وق اتتى دەگەن پيعىلدان ەلٸ اينىعان جوق. سول سەبەپتٸ بٸز اقپارات قۇرالدارىنا, ەسٸرەسە شەتەلدٸك باق-قا كٷل-تالقان بولعان الماتىنىڭ, تارازدىڭ, شىمكەنتتٸڭ, الماتى وبلىسىنىڭ كٶشەلەرٸن, مارقۇم بولعاندار تۋرالى, زارداپ شەككەندەردٸ كٶبٸرەك كٶرسەتۋٸمٸز كەرەك. ٶيتكەنٸ ولار بٸزدٸ بەيبٸت حالىققا وق اتتى دەپ ويلاپ وتىر. شىن مەنٸسٸندە جەتٸك دەڭگەيدە ۇيىمداسقان, ارنايى سودىرلىق جاساق دايىندىقپەن كەلگەنٸن قازٸرگٸ تاڭدا تەرگەۋ ورگاندارى انىقتاپ, ايتىپ بەرە الادى, – دەدٸ بەرٸك ۋەلي.
ونىڭ ايتۋىنشا, باتىستاعى حالىقارالىق قاۋىمداستىقتىڭ بۇل پٸكٸرٸن پرەزيدەنتتٸڭ اعىلشىن تٸلٸندە جازىلعان تۆيت-جازبالارى ٶزگەرتكەن.
– شىنى كەرەك, سول تۆيت-جازبالار شەتەلدەگٸ حالىقارالىق ۇيىمدار, شەتەلدەگٸ ەرٸپتەستەر تاراپىنان قولداۋ تاۋىپ, قازٸرگٸ تاڭدا پرەزيدەنت قابىلداعان ەلدٸ سودىرلاردان ازات ەتۋ باعىتىنداعى كونترتەررورلىق وپەراتسيياعا قولداۋ بٸلدٸرٸپ جاتقانى راس. بٸز تىم-تىرىس ٷندەمەي وتىرساق, ولار قايدان بٸلەدٸ? سول سەبەپتٸ مەملەكەت باسشىسى پرەمەر-مينيستردٸڭ ورىنباسارىنىڭ جەنە سىرتقى ٸستەر مينيسترٸنٸڭ مٸندەتٸن اتقارۋشى مۇحتار تٸلەۋبەردٸگە ناقتى تاپسىرما بەردٸ. وسى باعىتتاعى جۇمىستى جانداندىرىپ, شەتەلدٸك ەرٸپتەستەرگە, ەۋروپاعا, باتىسقا وسى جٶنٸندە ناقتى اقپاراتتى, شىنايى, بولعانىن بولعانداي ەتٸپ, قوسپاسىز كٶرسەتۋگە تاپسىرما بەردٸ. قازٸر سىرتقى ٸستەر مينيسترلٸگٸ سول باعىتتا اۋقىمدى جۇمىستى باستاپ كەتتٸ, – دەدٸ پرەزيدەنتتٸڭ باسپاسٶز حاتشىسى.
