مەملەكەت باسشىسى شانحاي ىنتىماقتاستىق ۇيىمىنىڭ باس حاتشىسى نۇرلان ەرمەكبايەۆتى قابىلدادى، - دەپ حابارلايدى Dalanews.kz.
كەزدەسۋدە شىۇ اياسىنداعى ىقپالداستىقتى ودان ءارى دامىتۋ پەرسپەكتيۆاسى تالقىلاندى. قاسىم-جومارت توقايەۆتىڭ ايتۋىنشا، قازاقستان شىۇ-نىڭ ءتيىمدى ءارى تەڭگەرىمدى حالىقارالىق ۇيىم رەتىندەگى ءرولىن نىعايتۋعا باسا ءمان بەرەدى. بۇل قازىرگى الەمدىك ساياساتتاعى سىن-قاتەرلەرگە جەدەل ءۇن قاتۋعا ىقپال ەتەدى.
پرەزيدەنت قىتايدىڭ شىۇ-عا ءتوراعالىعىن جوعارى باعالاپ، ۇيىم تەتىكتەرىن جەتىلدىرۋگە قولداۋ كورسەتەتىنىن ايتتى. بۇدان بولەك قازاقستاننىڭ ۇيىم اياسىندا ۇسىنعان باستى باستامالارىن ىسكە اسىرۋ جولدارى قارالدى.
