مەملەكەت باسشىسى قازاقستاننىڭ قىتايدان كەڭ كولەمدە ينۆەستيسيا تارتۋعا باعىتتالعان ساياساتىنان اينىمايتىنىن راستادى، دەپ حابارلايدى Dalanews.kz.
– قازاقستاندا ەكونوميكالىق وسىمگە سەرپىن بەرەتىن تىڭ مۇمكىندىكتەر قاراستىرىلىپ جاتىر. اسىرەسە، قىتايمەن بىرلەسكەن جوبالاردى ىسكە قوسۋعا، تاۋار نومەنكلاتۋراسىن كوبەيتىپ، كورشىلەس ەل نارىعىندا سۇرانىسقا يە ونىمدەر ەكسپورتىن ۇلعايتۋعا ەرەكشە ءمان بەرىلەدى. وڭدەلۋ دەڭگەيى ءتورتىنشى ساتىعا ساي، قوسىلعان قۇنى جوعارى ءونىم شىعاراتىن تەحنولوگيالىق كاسىپورىندار اشۋعا نيەتتىمىز.
اۋىل شارۋاشىلىعى، سونىڭ ىشىندە وزىق اگروتەحنولوگيالار مەن ءتيىمدى سۋ ۇنەمدەۋ ازىرلەمەلەرىن قولدانىسقا ەنگىزۋ باعىتىنداعى ىنتىماقتاستىق وتە ماڭىزدى. بۇل رەتتە جۇڭگو كومپانيالارى اگروونەركاسىپ كەشەنىندەگى ءوندىرىس ورىندارىن لوكاليزاسيالاۋ ىسىنە اتسالىسادى دەپ ۇمىتتەنەمىز. ەلدەرىمىز اراسىنداعى ەكونوميكالىق ىقپالداستىققا «قورعاس» حالىقارالىق شەكارا ماڭى ىنتىماقتاستىق ورتالىعى تىڭ سەرپىن بەرەدى، – دەدى قاسىم-جومارت توقايەۆ.
