پرەزيدەنت كونستيتۋتسييالىق سوت تٶراعاسىن قابىلدادى

ەلۆيرا ازيموۆانىڭ ايتۋىنشا, 2,5 جىل ٸشٸندە ۆەدومستۆوعا ازاماتتاردان 11 مىڭنان استام ٶتٸنٸش كەلٸپ تٷسكەن. كونستيتۋتسييالىق سوت سۋديالارى ٶتٸنٸشتەردٸ قاراۋ بارىسىندا 5 مىڭنان اسا قۇقىق نورماسىن زەردەلەدٸ. تەكسەرۋ قورىتىندىسى بويىنشا 300-دەن استام شەشٸم قابىلداندى. سونىڭ ٸشٸندە زاڭدار مەن باسقا دا نورماتيۆتٸك اكتٸلەردٸڭ كونستيتۋتسيياعا سەيكەستٸگٸ تۇرعىسىنان 74 قورىتىندى قاۋلى شىعارىلدى. وسىلايشا, 20 قۇقىق نورماسى كونستيتۋتسيياعا قايشى دەپ تانىلىپ, 25 قۇقىق نورماسىنا ناقتى تٷسٸندٸرمە بەرٸلدٸ.

بٷگٸنگە دەيٸن زاڭدارعا ٶزگەرٸستەر مەن تولىقتىرۋلار ەنگٸزۋ ارقىلى 41 نورماتيۆتٸك قاۋلى ورىندالدى. قازٸر كونستيتۋتسييالىق سوتتىڭ 19 نورماتيۆتٸك قاۋلىسىنداعى قۇقىقتىق ۇستانىمدارى ەسكەرٸلگەن 8 زاڭ جوباسى پارلامەنت پالاتالارىندا قارالىپ جاتىر.

قاسىم-جومارت توقاەۆقا ازاماتتار ەگجەي-تەگجەيلٸ قۇقىقتىق كەڭەس الۋ ٷشٸن كونستيتۋتسييالىق سوت اپپاراتى جانىنداعى ٶتٸنٸشتەردٸ قابىلداۋ ورتالىعىنا جٷگٸنە الاتىنى جٶنٸندە باياندالدى. بۇعان دەيٸن مۇنداي كونسۋلتاتسييالاردى مىڭنان استام ادام الدى. ورتالىقتاعى زاڭ كونسۋلتانتتارى مەن ادۆوكاتتار ازاماتتارعا تەگٸن كەڭەس بەرەدٸ.

پرەزيدەنتتٸڭ پٸكٸرٸنشە, كونستيتۋتسييالىق سوت ازاماتتاردىڭ قۇقىقتارى مەن بوستاندىقتارىن قورعاۋعا كەپٸل بولۋعا تيٸس. سونىمەن قاتار سوت ورگانىنىڭ قۇقىقتىق ۇستانىمدارىن دەيەكتٸ تٷردە ٸسكە اسىرۋ ماڭىزدى.