ق ر پرەزيدەنت قاسىم-جومارت توقايەۆ الماتىعا جۇمىس ساپارى كەزىندە قالا اكىمى ەربولات دوسايەۆتى قابىلداپ، شاھاردى جارىقتاندىرۋ، پاتەرلەرگە سۋدى ۋاقتىلى جانە تولىق بەرۋ، كوشەلەر مەن اۋلالاردى اباتتاندىرۋ بويىنشا ءبىرقاتار تاپسىرما بەردى، – دەپ حابارلايدى Dalanews.kz.
بۇدان بولەك، مەملەكەت باسشىسى «تازا قازاقستان» اكسياسىن تۇراقتى ءارى ءوز دەڭگەيىندە وتكىزۋدىڭ، قالانى كوگالداندىرۋدىڭ، ەكولوگيالىق احۋالدى جاقسارتۋ ءۇشىن كولىك قوزعالىسىن رەتتەۋدىڭ، سونداي-اق الماتىلىقتاردى الاڭداتاتىن باسقا دا ماسەلەلەردى شەشۋدىڭ ماڭىزىن اتاپ ءوتتى.
ەربولات دوسايەۆقا ەلىمىزدىڭ ەڭ ءىرى قالاسىنىڭ قارجى، سپورت، تۋريستىك ءارى مادەني حابى رەتىندەگى مارتەبەسىن نىعايتۋ جانە ءتيىستى تارتىپكە كەلتىرۋ ءۇشىن باسقارۋ قىزمەتىن كۇشەيتۋ تاپسىرىلدى.
قالا اكىمى پرەزيدەنتكە جۇرگىزىلگەن جۇمىستار جانە قابىلدانعان شارالار تۋرالى ەكى اپتادا ءبىر رەت بايانداپ وتىرادى.
