ۇكىمەت وتىرىسىندا كرەاتيۆتى يندۋستريالاردى دامىتۋ جانە مادەنيەت پەن ونەر سالالارىن سيفرلاندىرۋ ماسەلەسى قارالدى، - دەپ حابارلايدى Dalanews.kz.
مالىمەتكە سۇيەنسەك، بىلتىر قازاقستاندىق كينو ءوندىرىسى وسكەن.
"قازاقستاندىق كينو ءوندىرىسى بىلتىر 58%-عا ءوستى. كاسسالىق تابىسى ەڭ جوعارى 10 ءفيلمنىڭ اراسىندا ءاربىر ەكىنشى تاسپا وتاندىق ءوندىرىس بولدى. شەتەلدىك جانە وتاندىق كارتينالاردان تۇسەتىن الىم شامامەن تەڭەستى. بۇل كورەرمەندەردىڭ ۇلتتىق كونتەنتكە دەگەن قىزىعۋشىلىعى ارتىپ كەلە جاتقانىن بىلدىرەدى"، - دەدى ولجاس بەكتەنوۆ.
پرەمەر-مينيستر مەملەكەت باسشىسى ۇلتتىق قۇرىلتايدا جوبالار سانىن كوبەيتىپ، پايدا ءتۇسىرۋدى عانا ماقسات ەتپەي، فيلمدەردىڭ ساپاسىنا باسا نازار اۋدارۋدى تاپسىرعانىن ايتتى.
سونىمەن قاتار، ۇكىمەت باسشىسى تۇسكەن اقشانىڭ اشىقتىعىن جانە اۆتورلىق قۇقىق ساقتالۋىن قامتاماسىز ەتەتىن "ە-كينو" پلاتفورماسىن جەدەل ىسكە قوسۋدى تاپسىردى.
"جاقسى كينو ءتۇسىرۋ ءۇشىن كوپ قاراجات كەرەك. مۇنداي قاراجاتتى پروكاتتان تۇسىرۋگە بولادى. ءبىراق ءقازىر فيلمنەن تۇسەتىن پايدانىڭ كوبى كينوتەاتر يەلەرىندە قالادى. سوندىقتان كينو تۇسىرۋشىلەر مەن ونى پروكاتقا شىعارۋشىلاردىڭ مۇددەلەرىنىڭ تەپە-تەڭدىگىن بەكىتۋ ماڭىزدى. ول ءۇشىن تۇسكەن اقشانىڭ اشىقتىعىن جانە اۆتورلىق قۇقىق ساقتالۋىن قامتاماسىز ەتەتىن "ە-كينو" پلاتفورماسىن جەدەل ىسكە قوسۋ كەرەك"، - دەدى ولجاس بەكتەنوۆ.
