پاۆلودار وبلىسى بويىنشا مەملەكەتتىك كىرىستەر دەپارتامەنتىنىڭ قىزمەتكەرلەرى ەكسپورتتىق-يمپورتتىق ۆاليۋتالىق باقىلاۋدى جۇرگىزۋ بارىسىندا شەتەلدىك كومپانيالاردىڭ پاۆلودار كاسىپورىندارى الدىنداعى 1 ملن 665 مىڭ اقش دوللارىنان استام سوماعا ورىندالماعان مىندەتتەمەلەرىنىڭ فاكتىلەرىن انىقتادى، دەپ حابارلايدى Dalanews.kz.

"پاۆلوداردا اۋىلشارۋاشىلىعى ونىمدەرىن (استىق، كارتوپ، كۇنباعىس تۇقىمدارى جانە ت.ب.) سىرتقا ەكسپورتتاعان ءبىرقاتار كاسىپورىندار ودان تۇسكەن ۇلتتىق جانە (نەمەسە) شەتەل ۆاليۋتاسىنداعى تۇسىمدەردى بانكتىك شوتتارعا سالماعان. رەزيدەنت "ۆاليۋتالىق رەتتەۋ جانە ۆاليۋتالىق باقىلاۋ تۋرالى" زاڭنىڭ 9-بابىنا سايكەس ۇلتتىق ۆاليۋتانى جانە (نەمەسە) شەتەل ۆاليۋتاسىن ەكسپورت نەمەسە يمپورت جونىندەگى ۆاليۋتالىق شارتتا كوزدەلگەن مەرزىمدەردە رەپاترياسيالاۋدى قامتاماسىز ەتۋگە مىندەتتى"، دەلىنگەن دەپارتامەنت حابارلاماسىندا.

پاۆلودار قالالىق جانە وبلىستىق سوتتارىنىڭ قاۋلىلارىمەن رەزيدەنت-كاسىپورىندار ق ر اكىمشىلىك قۇقىق بۇزۋشىلىق تۋرالى كودەكسىنىڭ 251-بابى بويىنشا كىنالى دەپ تانىلىپ، 215 ملن تەڭگە مولشەرىندە اكىمشىلىك ايىپپۇل سالىندى.

سوتتاردىڭ قاۋلىلارى زاڭدى كۇشىنە ەندى.