تاشكەنتتە پاريجدە سەنساسيا جاساعان وزبەكستاندىق سپورتشىلاردى قارسى الۋ ءراسىمى ءوتتى، - دەپ حابارلايدى Dalanews.kz.
ارتىنشا ەلدىڭ ۇلتتىق وليمپيادا كوميتەتىندە 2024 جىلعى جازعى وليمپيادا ويىندارىنىڭ جەڭىمپازدارى مەن جۇلدەگەرلەرىن ماراپاتتاۋ ءراسىمى وتكەن.
Qaz365.kz مالىمەتىنشە، چەمپيونداردىڭ ءارقايسىنا Tahoe اۆتوكولىگى، ەكىقاباتتى كوتتەدج بەن 200 مىڭ دوللار كولەمىندە اقشالاي سىي بەرىلگەن.
فوتو: kun.uz
ال كۇمىس جۇلدەگەرلەرگە BYD Song Plus Champion اۆتوكولىگى، پاتەر كىلتى مەن 100 مىڭ دوللار بەرىلگەن.
ءۇش قولا مەداليسكە BYD Song Plus Champion اۆتوكولىگى، پاتەر كىلتى مەن 50 مىڭ دوللار بەرىلگەن.
ايتا كەتەيىك، وزبەكستان پاريجدە وتكەن وليمپيادا ويىندارىنىڭ ناتيجەسى بويىنشا 13-ورىندا.
كورشىلەس ەل 8 التىن، ەكى كۇمىس جانە ءۇش قولا مەدال الدى. بۇل وزبەكستان تاريحىنداعى ۇزدىك ناتيجە.
