وزبەكستاندا ۇيىمداسقان قىلمىستىق توپتاردى قارجىلاندىرۋشىلار مەن جاسىرىن جەكپە-جەك ۇيىمداستىرۋشىلارعا جازا كۇشەيتىلدى، دەپ حابارلايدى Dalanews.kz.
ەندى قىلمىستىق قاۋىمداستىقتاردى قارجىلاندىرۋ جەكە قىلمىس قۇرامى رەتىندە قاراستىرىلادى. ۇيىمداسقان قىلمىستىق توپتارعا دەمەۋشىلىك جاساعاندار شارتتى تۇردە مەرزىمىنەن بۇرىن بوساتۋ قۇقىعىنان تولىق ايىرىلادى.
سونىمەن قاتار، سىبايلاس جەمقورلىق بايلانىستارعا ەرەكشە نازار اۋدارىلعان. قىلمىستىق توپتاردى قولداپ، ولارعا قامقورلىق كورسەتكەن شەنەۋنىكتەر توپ مۇشەلەرىمەن بىردەي جاۋاپكەرشىلىككە تارتىلادى.
بۇدان بولەك، زاڭسىز ۇيىمداستىرىلاتىن «ەرەجەسىز جەكپە-جەكتەرگە» دە تىيىم سالىندى. زاڭ شىعارۋشىلار مۇنداي جەكپە-جەكتەردى كوشە بۇزاقىلارىن دايىندايتىن ورتا رەتىندە باعالاپ وتىر.
