رەسمي اقپاراتتا اكسى اۋدانى كۋرۋلۋش اۋىلىنىڭ 34 جاستاعى تۇرعىنى قىرعىزستان تەرريتوريياسىمەن ماماي ەلدٸمەكەنٸنە كەتٸپ بارا جاتقاندا قارۋدان وق اتىلعانى ايتىلعان.
جارالانعان قىرعىزستاندىق تۇرعىن كەربەن قالاسىنداعى اۋرۋحانادا قايتىس بولعان.
تٶتەنشە وقيعانىڭ جاي-جاپسارىن انىقتاۋ ٷشٸن قىرعىزستان مەن ٶزبەكستان شەكارا قىزمەتتەرٸنٸڭ ٶكٸلدەرٸ كەزدەسۋ ٶتكٸزٸپ جاتىر دەپ حابارلادى ازاتتىقتىڭ قىرعىز قىزمەتٸ.
وقيعا بولعان جەرگە بارعان قىرعىزستان مەملەكەتتٸك شەكارا قىزمەتٸنٸڭ جالال-اباد وبلىسى بويىنشا باسقارماسىنىڭ بٸر توپ وفيتسەرٸ مەن قۇقىق ورگاندارى ٶكٸلدەرٸ تەكسەرۋ جۇمىستارىنا كٸرٸسكەن.
قىرعىزستان پرەمەر-مينيسترٸ ساپار يساكوۆ تيٸستٸ ۆەدومستۆولارعا ٶزبەكستان تارابىمەن بٸرلەسٸپ, قىرعىز-ٶزبەك شەكاراسىندا بولعان وقيعانى مۇقييات تەكسەرۋگە تاپسىرما بەرگەن.
