قازاقستان ەلەمدە جان باسىنا شاققانداعى اجىراسۋ سانى بويىنشا الدىڭعى ورىنداردىڭ بٸرٸندە تۇر, دەپ حابارلايدى Dalanews.kz.
ينتەرنەت-ماركەتولوگ ەرلان مۇقاشەۆ بۇعان باستى سەبەپ – ەلەۋمەتتٸك جەلٸلەر ەكەنٸن ايتادى. ونىڭ پٸكٸرٸنشە, Instagram-داعى جىلتىراق ٶمٸرگە قاراپ, ادامدار ٶز تٸرشٸلٸگٸن تٶمەن باعالاپ, كٶڭٸلٸ قالۋدا.
– قازاقستان نەگە ەلەمدە اجىراسۋ بويىنشا ەكٸنشٸ ورىندا تۇر? قارجى قيىنشىلىعى ما, ەلدە وپاسىزدىق پا دەپ ويلايسىڭ با? جوق, باستى سەبەپ – ەلەۋمەتتٸك جەلٸلەر. ريلستاردان بٸرەۋدٸڭ كٶلٸك سىيلاپ جاتقانىن, پاريجدە تاڭعى اس ٸشٸپ وتىرعانىن, گٷل جاپىراقتارىندا شومىلىپ جٷرگەنٸن كٶرەسٸڭ. ال ٶز ٶمٸرٸڭ – كٷندەلٸكتٸ كٷيبەڭ تٸرشٸلٸك: بالانىڭ مازاسىزدىعى, كٷيٸپ كەتكەن كەشكٸ اس. سالىستىراسىڭ. سالىستىرعان سايىن, ٶز ٶمٸرٸڭنٸڭ قادٸرٸن تٷسٸرە باستايسىڭ.
سول كەزدە رەنٸش, ٶكپە, كٶڭٸل تولماۋشىلىق پايدا بولادى. بٸراق جانىندا جٷرگەن ادام – بلوگەر ەمەس, ول شىن مەنٸندە سەنٸ ٷشٸن تىرىسىپ جٷرگەن جان. ول لايك ٷشٸن ەمەس, سەن ٷشٸن ٶمٸر سٷرٸپ جٷر. ال ەلەۋمەتتٸك جەلٸ – ول شىندىق ەمەس, جاي عانا ەدەمٸ كادرلار. بۇل – شوۋ. سوندىقتان وتباسىڭدى بٸرەۋدٸڭ ستوريسٸمەن ٶلشەمە. لەنتانى جاۋىپ, قاسىڭدا جٷرگەن ادامعا نازار اۋدار, – دەپ كەڭەس بەرەدٸ ساراپشى.
ەسكە سالايىق, بۇعان دەيٸن مەجٸلٸس دەپۋتاتى ارداق نازاروۆتىڭ اجىراسۋ كٶرسەتكٸشتەرٸنە قاتتى الاڭدايتىنىن ايتىپ, اجىراسقان ازاماتتارعا تابىس سالىعىن كٶتەرۋ ۇسىنىسىن ايتۋى قوعامدا ٷلكەن رەزونانس تۋدىرعان ەدٸ. بۇل ۇسىنىستى ساياساتتانۋشى عازيز ەبٸشەۆ ٶزٸنٸڭ ساراپتامالىق جازباسىندا سىنعا الىپ, ونى بٸزدٸڭ قوعامداعى «ماحابباتقا مەجبٷرلەۋ مەدەنيەتٸنٸڭ» تاعى بٸر كٶرٸنٸسٸ رەتٸندە سيپاتتاعان بولاتىن.
ساراپشى مۇنداي تەسٸلدٸڭ تەك سالىق ساياساتى ارقىلى ەمەس, قالىڭدىق ۇرلاۋ, بۇرىنعى ەيەلدٸ اڭدۋ, تٸلگە قىسىم جاساۋ, راديكالدى دٸني ٷگٸت, تٸپتٸ ۋلتراليبەرالدىق يدەولوگيياداعى شەكتەن شىعۋ فورماسىندا دا كٶرٸنٸس تاباتىنىن اتاپ ٶتتٸ. ونىڭ ايتۋىنشا, بۇل قۇبىلىستاردىڭ بارلىعىندا دا ادامداردان ٶز ەركٸمەن جاقسى كٶرۋٸ تالاپ ەتٸلەدٸ. نەتيجەسٸندە ماحابباتتى كٷشتەپ نىعايتامىز-مىس. “ۇناسا دا, ۇناماسا دا, تٶزە بەر, سۇلۋىم” دەگەن ۇستانىم سول عاسىرلار قويناۋىنان جەتكەن مەدەني شتامپ.
سونىمەن قاتار,ەبٸشەۆ ارداق نازاروۆ اجىراسقان ادامداردى جازالاۋ ارقىلى وتباسىن ساقتاپ قالۋدى ەمەس, قازاق قوعامىنداعى وتباسى ينستيتۋتىنىڭ دامۋىن تەجەيتٸن قادام ۇسىنىپ وتىر دەپ ەسەپتەيدٸ. مۇنداي مەجبٷرلەۋ – وتباسىنى ساقتاۋ ەمەس, كەرٸسٸنشە, ونىڭ تابيعي دامۋىن تەجەۋ.
