وليگارح سەرگەي پۋگاچيەۆتىڭ ايتۋىنشا پۋتين اتتان قۇلاعاننان كەيىن بەل ومىرتقاسىن قاتتى زاقىمداپ العانىن ايتتى.
– ءپۋتيننىڭ دەنساۋلىعى جايىندا ايتسام... ءالى ەسىمدە وسىدان ءبىراز جىل بۇرىن ول اتتان قۇلاپ بەل ومىرتقاسىن قاتتى زاقىمداپ العان ەدى. سودان كەيىن ول ەكى ايعا دەيىن توسەك تارتىپ جاتىپ قالدى. ارتىندا ءبىراز ۋاقىت كورسەت كيىپ جۇرگەنىن بىلەمىن. بۇدان باسقا ءپۋتيننىڭ دەنساۋلىعىنا قاتىستى اقپاراتتان حابارسىزبىن، – دەپتى پۋگاچيەۆ.
پۋگاچيەۆ پەن پۋتين 1990 جىلدارى تانىسىپ، ۇزاق ۋاقىت دوستىق قاتىناستا بولعانى كوپشىلىككە ءمالىم. ولار ءتىپتى ءبىر-بىرىنىڭ تۋعان كۇندەرىن بىرگە تويلاپ، وتباسى بولىپ ارالاسقان. رەسەيدىڭ اقپارات قۇرالدارى پۋگاچيەۆتى سىرتىنان «كرەملدىڭ بانكيرى» كەيدە «ءپۋتيننىڭ بانكيرى» دەپ تە اتايدى.
سوندىقتان پۋگاچيەۆ ءپۋتيندى بەل ومىرتقاسى ۇزاق ۋاقىت مازالاعانىن جاقسى بىلەدى. سونىمەن قاتار وليرگارح ءپۋتيننىڭ قانداي دا ءبىر ونكولوگيالىق اۋرۋعا شالدىققانىنان حابارسىز ەكەنىن دە ايتىپتى.
