ورداباسى اۋدانىندا 2017-2018 جىلدارى ىسكە اساتىن 3 سەرپىندى جوبا بولعان ەدى. سونىڭ ءبىرى «بورتە ميلكا» ءسۇت وڭدەۋ زاۋىتى ءوندىرىس بولاتىن. كاسىپورىننىڭ قۋاتتىلىعى تاۋلىگىنە 50 توننا ءسۇت وڭدەيدى. جوبانىڭ جالپى قۇنى 1،2 ملرد. تەڭگەنى قۇرايدى.
سول سياقتى «ورداباسى ەشكى ءسۇت ونىمدەرى» كاسىپورىنى دا ءسۇت ءوندىرۋ ىسىنەدە تابىستى جۇمىس ىستەپ كەلەدى. ءوندىرىس قۋاتتىلىعى تاۋلىگىنە 6 500 ليتر ءسۇت ءوندىرىپ، مىڭداعان ليتر ءسۇتتى وڭدەپ، دايىن تاۋار كۇيىندە حالىققا جەتكىزەتىن مۇمكىندىككە يە. ينۆەستيسيالىق جوبانىڭ جالپى قۇنى – 1،0 ملرد. تەڭگەنى قۇرعان بولاتىن.
بۇگىندە ورداباسى اۋدانى اكىمدىگى ءاربىر اۋىل وكرۋگتىڭ الەۋەتى مەن باسىم باعىتتارىن باسشىلىققا الىپ، جۇمىس ىستەۋدى قولعا العان بىردەن-بىر ايماق دەسەك ارتىق ايتقاندىق بولماس ەدى. ءار اۋىلدىڭ الەۋەتى باسشىلىققا الىپ جۇمىس ىستەگەننىڭ ارقاسىندا ءقازىر اۋداندا مال بورداقىلاۋ الاڭدارى مەن جانۇيالىق ءسۇت فەرمالارى جوعارى دەڭگەيدە دامىپ، ءوز ناتيجەسىن بەرە باستادى.
