«SMSBUS» جۇيەسىنىڭ ەڭ باستى ەرەكشەلىگى – قالا بيۋدجەتىنە، جولاۋشىلارعا جانە اۆتوبۋس پاركتەرىنە ەشقانداي سالماق سالمايدى (مىسالى، اۆتوكولىككە ارنايى قۇرال ورناتۋدىڭ، جولاۋشىلار ءۇشىن تولەم كارتالارىن ساتىپ الىپ، وعان تۇراقتى تۇردە قارجى سالىپ وتىرۋدىڭ قاجەتى جوق)، تولەم قۇرالى رەتىندە ءار ازاماتتىڭ قولىنداعى دەربەس ۇيالى تەلەفونى عانا قولدانىلادى.
ءبولىم باسشىسى ق.مۋحامبەتكالييەۆ اتاپ وتكەنىندەي، «SMSBUS» جۇيەسى «ءداستۇرلى» قولما-قول تولەم جۇيەسىنە بالاما عانا، ياعني جولاۋشى جولاقىسىن قولما-قول دا، ۇيالى تەلەفونى ارقىلى دا نەمەسە بانك كارتوچكاسى ارقىلى دا تولەي الادى.
«SMSBUS» كومپانياسىنىڭ وكىلى س.يدياتوۆتىڭ ايتۋىنشا، بانك كارتاسى ارقىلى تولەم جاساۋ ءۇشىن جولاۋشى SMSBUS.KZ سايتىنا كىرىپ، بانكتىك كارتاسىن تىركەۋى ءتيىس. (VISA ي Master Card، كەز كەلگەن بانكتە كوميسسياسىز).
ەندىگى ارادا ءاربىر قوعامدىق كولىككە SMS ارقىلى تولەم جاساۋدى تۇسىندىرەتىن جازباشا اقپارات پاراعى جاپسىرىلاتىن بولادى. جولاقىنى تولەۋ ءۇشىن جولاۋشى كولىكتىڭ كودىن (ساندار) كورسەتە وتىرىپ، 2505 قىسقا نومىرىنە (ءنومىر قازاقستانعا ورتاق، sms جولداۋ - تەگىن) SMS جولدايدى.
ەلەكتروندى تولەم قابىلدانعاننان كەيىن جولاۋشىعا تولەم جاسالعاندىعىن ايعاقتايتىن، SMS حابارلاما تۇرىندەگى «ساۋدا چەگى» (ەلەكتروندى بيلەت) بەرىلەدى.
نۋسكالۋىك
