2025 جىلدىڭ 16 مامىر كۇنى ورال قالاسىندا قازاقستاننىڭ قورعانىس سالاسى ءۇشىن ماڭىزدى وقيعا - "سەمەي" كۇزەت كەمەسىن ىسكە قوسۋ ءراسىمى ءوتتى، دەپ حابارلايدى Dalanews.kz
1993 جىلدان باستاپ "قازاقستان ينجينيرينگ "ۇلتتىق كومپانياسى" اق قۇرامىنا كىرەتىن "زەنيت "ورال زاۋىتى"اق بازاسىندا سالىنعان بۇل - 36-شى كەمە.
سۋ كولىگى جايىق وزەنىنىڭ بويىمەن كاسپيي تەڭىزىنە جونەلتىلىپ، وندا مەملەكەتتىك شەكارانى كۇزەتۋ مەن قورعاۋ قىزمەتىن اتقاراتىن بولادى. كەمە زاڭسىز تاسىمالداۋ، كونتراباندا، زاڭسىز بالىق اۋلاۋ، شەكارانى زاڭسىز كەسىپ ءوتۋ ارەكەتتەرى جانە باسقا دا قىلمىستاردىڭ ءقاۋپىن تەز ارادا جولىن كەسۋگە ارنالعان.
بۇل ءىس-شارانىڭ ءمانى ەرەكشە، سەبەبى مەملەكەت باسشىسى قاسىم-جومارت توقايەۆ 2025 جىلدى قازاقستاندا جۇمىسشى ماماندىقتار جىلى دەپ جاريالاعانى ونىڭ ماڭىزىن ارتتىرا تۇسەدى. جاڭا كەمەنىڭ ىسكە قوسىلۋى - ءبىلىمى مەن شەبەرلىگى ەلدىڭ قورعانىس الەۋەتىنىڭ نەگىزى سانالاتىن ينجەنەرلەردىڭ، ديزاينەرلەردىڭ، كەمە جاساۋشىلاردىڭ جانە جۇمىسشىلاردىڭ جۇمىسىنىڭ ايقىن ناتيجەسى. بۇل جوبا قاۋىپسىزدىكتى قامتاماسىز ەتۋگە قوسقان ۇلەس قانا ەمەس، سونىمەن قاتار مەملەكەتتىڭ دامۋىنداعى جۇمىسشى ماماندىق يەلەرىنىڭ ءرولىن مويىنداۋدىڭ ايقىن ۇلگىسىنە اينالماق.
«سەمەي» كەمەسى - وتاندىق مامانداردىڭ كوپ جىلعى ەڭبەگىنىڭ تاعى ءبىر جەمىسى. 1941 جىلى نەگىزى قالانعان ورالداعى «زەنيت» زاۋىتى ەلىمىزدىڭ قورعانىس ونەركاسىبى كەشەنىندەگى نەگىزگى كاسىپورىنداردىڭ ءبىرى ەكەنى بەلگىلى. تاۋەلسىزدىك العاننان بەرى مەملەكەتتىك قورعانىس تاپسىرىستارىن تۇراقتى ورىنداپ، جوعارى تەحنولوگيالىق قايىقتار مەن «سۇڭقار»، «بۇركىت»، «بارىس» جانە ت.ب ارنايى ماقساتتاعى كەمەلەردى شىعارۋدا.
«وسى مۇمكىندىكتى پايدالانا وتىرىپ، كەمەنى جوبالاۋعا، قۇراستىرۋعا جانە جابدىقتاۋعا اتسالىسقان بارلىق قىزمەتكەرلەرگە شىن جۇرەكتەن العىسىمدى بىلدىرگىم كەلەدى. سىزدەردىڭ كاسىبي شەبەرلىكتەرىڭىزدىڭ، ادال ەڭبەكتەرىڭىز بەن جوعارى جاۋاپكەرشىلىكتەرىڭىزدىڭ ارقاسىندا بۇگىن ءبىز ەلىمىزدىڭ يگىلىگىنە قىزمەت ەتەتىن تاعى ءبىر كەمەنى سۋعا جىبەرىپ وتىرمىز»، - دەدى باتىس قازاقستان وبلىسىنىڭ اكىمى ناريمان تورەعالييەۆ.
«زەنيت ورال زاۋىتى» اق قازاقستاننىڭ ۇلتتىق قاۋىپسىزدىگىن قامتاماسىز ەتۋگە، مەملەكەتتىڭ قورعانىس قابىلەتىن نىعايتۋعا جانە وتاندىق كەمە جاساۋدى دامىتۋعا قولداۋ كورسەتۋگە ەلەۋلى ۇلەس قوسۋدى جالعاستىرۋدا.
