وقۋ ٷلگەرٸمٸ تٶمەن بولعان «بولاشاق» تٷلەگٸ 25 ملن. تەڭگەنٸ قايتاراتىن بولدى
سوتتىڭ باسپاسٶز قىزمەتٸ تاراتقان اقپاراتقا سەيكەس, 2009 جىلى شەتەلدە كادر دايىنداۋ بويىنشا رەسپۋبليكالىق كوميسسييانىڭ شەشٸمٸمەن ستۋدەنتكە «قۇرىلىس جەنە ارحيتەكتۋرا» ماماندىعىن ۇلىبريتانييادا وقۋ ٷشٸن «بولاشاق» ستيپەنديياسى تاعايىندالعان.
ستۋدەنت پەن «حالىقارالىق باعدارلامالار ورتالىعى» اق اراسىندا وقۋدى ۇيىمداستىرۋ تۋرالى كەلٸسٸم جاسالعان. ال ٶز كەزەگٸندە ستۋدەنتتٸڭ اكادەمييالىق ٷلگەرٸمٸ تٶرتتٸك باعادان تٶمەن بولماۋى تيٸس ەدٸ.
بٸراق وقۋ كەزٸندە جاۋاپكەر ٷلگەرٸم تۋرالى تالاپتى ورىنداماي, كەلٸسٸمشارتتى بۇزعان. سٶيتٸپ «بولاشاق» ستيپەنديياسىنان ايىرىلدى. قازٸر وعان شەتەلدە وقۋعا جۇمسالعان شىعىندى ٶتەۋدٸ مٸندەتتەپ وتىر.
«استانا قالاسى الماتى اۋداندىق سوتىنىڭ شەشٸمٸمەن "س" ەسٸمدٸ ازاماتتان «حالىقارالىق باعدارلامالار ورتالىعى» اق-نىڭ ەسەبٸنە 25 675 842 تەڭگە ٶندٸرٸلدٸ», - دەپ مەلٸمدەدٸ سوتتىڭ باسپاسٶز قىزمەتٸ.
شەشٸم زاڭدى كٷشٸنە ەنگەن.
