تىلشىلەر توبى ەڭ الدىمەن شىمكەنت قالاسىنداعى 350 ورىندىق بالاباقشا مەن «قايتپاس-1» مولتەك اۋدانىنداعى 500 ورىندىق قالالىق ەمحانانىڭ قۇرىلىس بارىسىمەن تانىستى. مۇنان سوڭ تىلشىلەر تۇلكىباس اۋدانىنداعى 100 ورىندىق بالاباقشاعا ايالدادى. اتالعان نىساندار مەملەكەتتىك – جەكەمەنشىك ارىپتەستىك اياسىندا بوي كوتەرۋدە.
ايتا كەتەيىك، بۇگىندە مەملەكەتتىك – جەكەمەنشىك ارىپتەستىك اياسىندا وبلىسىمىزدا 13 جوبا ىسكە اسىرىلۋدا. بۇل جونىندە وبلىسىمىز رەسپۋبليكادا الدىنعى قاتاردا تۇر. ونىڭ 8ء-ى ءبىلىم، 3ء-ۋى سپورت، 2ء-ۋى دەنساۋلىق ساقتاۋ سالاسىندا جۇزەگە اسىپ جاتىر. بۇگىندە اتالعان 13 جوبانىڭ 8-ىنە كونكۋرسى جاريالانىپ، 20 جوبانىڭ ءتيىستى قۇجاتتارى ازىرلەنۋدە.
«وڭتۇستىك قازاقستان وبلىسىندا مەملەكەتتىك – جەكەمەنشىك ارىپتەستىك اياسىندا ينۆەستورلار تارتۋ ءىسى جاندانىپ كەلەدى. بۇل رەتتە شەتەلدىك جانە جەرگىلىكتى كاسىپكەرلەردىڭ دە قىزىعۋشىلىعى باسىم بولىپ وتىرعانىن ايتا كەتۋ كەرەك. وسى تەتىك ارقىلى ءبىز بيۋدجەت قارجىسىن ۇندەمدەپ قانا قويماي، الەۋمەتتىك ماڭىزدى ماسەلەلەردى شەشۋگە مۇمكىندىك الامىز»، – دەيدى ارمان ءسابيت ۇلى.
جۋىردا عانا شىمكەنت قالاسىنداعى جەدەل جاردەم ستانساسىن مودەرنيزاسيالاۋ جوباسىن ىسكە اسىرۋ ماقساتىندا شەتەلدىك ينۆەستورمەن كەلىسىم-شارت تۇزىلگەن بولاتىن. جالپى تۇزىلگەن كەلىسىم-شارت سانى بويىنشا وبلىس رەسپۋبليكادا الدىنعى قاتاردا تۇر.
بۇدان بولەك، مەملەكەتتىك-جەكەشەلىك ارىپتەستىك تەتىگى ارقىلى شىمكەنت قالاسىندا ونكولوگيالىق ورتالىق قۇرىلىسى، شىمكەنت قالاسىنداعى 200 ورىندىق وڭالتۋ ورتالىعىنىڭ قۇرىلىسى، «ءقاۋىپسىز قالا»، شىمكەنت جانە تۇركىستان قالالالارىنىڭ كوشەلەرىن جارىقتاندىرۋ جانە ت.ب. جوبالارىن ىسكە اسىرۋ جوسپارلانۋدا.
جالپى، مەملەكەتتىك-جەكەشەلىك ارىپتەستىگى – بۇل قوعامدىق ماڭىزدى جوبالاردى جۇزەگە اسىرۋعا جەكە ينۆەستيسيالاردى تارتا وتىرىپ، ءتيىمدى باسقارۋعا، سونداي-اق ءبىرقاتار مەملەكەتتىك قىزمەتتەردى جەكە سەكتورعا بەرۋگە باعىتتالعان مەملەكەت پەن جەكە بيزنەس اراسىنداعى ىنتىماقتاستىق بولىپ تابىلادى.
وقو اكىمىنىڭ باسپا ءسوز قىزمەتى
