وڭتۇستىك قازاقستان وبلىسىندا اۋىل شارۋاشىلىعى كووپەراتيۆتەرىن قۇرۋ جۇمىسى قارقىندى تۇردە جۇرگىزىلۋدە. وسى ماقساتتا وبلىس اكىمى ج.تۇيمەبايەۆتىڭ تاپسىرماسىمەن  جىل باسىنان بەرى اۋىل شارۋاشىلىعىن مەملەكەتتىك قولداۋ شارالارى مەن كووپەراتيۆتەردىڭ ارتىقشىلىقتارى تۋرالى وبلىستىڭ بارلىق اۋدان-قالالارىندا مامانداندىرىلعان كوشپەلى سەمينار-كەڭەستەر ۇيىمداستىرىلىپ  كەلەدى.   



ءدال وسىنداي كەزەكتى سەمينار شىمكەنت قالاسىندا ۇيىمداستىرىلدى.  بۇل جولعى شارا وڭىردەگى ءسۇت كلاستەرىن دامىتۋعا ارنالىپ وتىر. جيىنعا وبلىسىمىزدىڭ بارلىق اۋداندارىنان اۋىل شارۋاشىلىعى باسقارماسىنىڭ ماماندارى، قارجى ۇيىمدارىنىڭ وكىلدەرى، شارۋالار مەن كووپەراتيۆ مۇشەلەرى قاتىستى. شارانىڭ ماقساتى - اۋىل شارۋاشىلىعى  كووپەراتيۆتەرىن قۇرۋداعى ماسەلەلەر مەن كەدەرگىلەردى انىقتاپ، شارۋالارعا اكىمدىك تاراپىنان بارىنشا قولداۋ كورسەتۋ.

سەمينار شىمىلدىعىن تۇرگەن  وبلىس اكىمى جانسەيىت تۇيمەبايەۆ كووپەراتيۆ ءتوراعالارىنا 10 ءمودۋلدى ءسۇت قابىلداۋ بەكەتىنىڭ كىلىتتەرىن سالتاناتتى تۇردە تابىس ەتتى.

ايتا كەتەيىك، قۇنى 5 ملن تەڭگە تۇراتىن ءسۇت بەكەتتەرىنىڭ 50 پايىزى مەملەكەت تاراپىنان سۋبسيديالانعان. سۋ جاڭا بەكەتتەر  ءسۇت ساقتاۋعا ارنالعان تانكەر، ارنايى زەرتحانا، توڭازىتقىشتارمەن جابدىقتالعان. بۇل ءوز كەزەگىندە شارۋالاردىڭ تاباسىن ەسەلەپ قانا قويماي، وڭىردەگى ءسۇت  ءوندىرىسىن وركەندەتۋگە سەپ بولماق.

«جىل باسىندا قولعا الىنعان مامانداندىرىلعان كوشپەلى سەمينارلار بۇگىندە ءوز ناتيجەسىن بەرىپ وتىر. ءتۇسىندىرۋ، ۇگىت-ناسيحات جۇمىستارىنىڭ ارقاسىندا وڭىردە 55 مىڭنان استام ۇساق شارۋا قوجالىقتارى بىرىكتىرىلگەن كووپەراتيۆتەر  سانى 596 - عا جەتتى.  وسى كورسەتكىشكە وراي وبلىسىمىز رەسپۋبليكادا كوش باستاپ وتىرعانىن ايتا كەتكەن ءجون»، – دەدى جانسەيىت تۇيمەبايەۆ.



سەمينار بارىسىندا وبلىستا ءسۇت ءوندىرىسىن  دامىتۋ جايى تالقىلانىپ، شاراۋلار وسى سالاعا باعىتتالعان  مەملەكەتتىك قولداۋلار مەن جەڭىلدىكتەر جايلى پايدالى اقپارتتار الدى. شارۋالار تاراپانىنان قويىلعان ساۋالدارعا قارجى ۇيىمدارىنىڭ وكىلدەرى مەن سالا ماماندارى ءتيىستى جاۋاپتارىن بەرىپ، اقىل-كەڭەستەرىمەن ءبولىستى.

سونداي-اق وڭىردە  مەملەكەتتىك قولداۋ كولەمى جىلدان-جىلعا ۇلعايىپ كەلەدى. ماسەلەن،  بيىل اۋىل شارۋاشىلىعى سالاسىن نەسيەلەندىرۋگە رەسپۋبليكا بويىنشا 27 ملرد. تەڭگە بولىنسە، سونىڭ 3،2 ملرد تەڭگەسى  وڭتۇستىك قازاقستان وبلىسىنا باعىتتالىپ وتىر.

بۇدان بولەك، «ناتيجەلى جۇمىسپەن قامتۋ» باعدارلاماسى جانە «قازاگرو» اق وقو ەنشىلەس مەكەمەلەرى ارقىلى شارۋالار مەن كووپەراتيۆ مۇشەلەرىنە ءتۇرلى باعدارلامالار بويىنشا جىلدىق 6 پايىزبەن نەسيەلەر بەرىلۋدە.  بۇگىنگى كۇنى مۇشەلەر سانى 20- دان جوعارى كووپەراتيۆتەردە 33 ءسۇت قابىلداۋ بەكەتتەرى جۇمىس ىستەپ تۇر. قازىرگى تاڭدا ءسۇت قابىلداۋ بەكەتتەرىنە اۋىل شارۋاشىلىعى ارقىلى  439 ملن تەڭگە ينۆەستيسيالىق سۋبسيديا  بەرىلگەن. ونىڭ ىشىندە 18 ءسۇت قابىلداۋ بەكەتىنە 50،8 ملن  سۋبسيديا تولەنىپ وتىر.

وقو اكىمىنىڭ باسپا ءسوز قىزمەتى