وڭتٷستٸكتٸك «قازىنا» بي انسامبلٸ تٷركييادا ٶتكەن حالىقارالىق بايقاۋدا ٷزدٸك اتاندى
بايقاۋعا قازاقستان رەسپۋبليكاسىمەن قاتار, ەزٸربايجان, چيلي, كوسوۆو, چەرنوگورييا, گرۋزييا, بەلارۋس, ارگەنتينا, البانييا, ماكەدونييا, قىرعىزستان, فيليپپين, قىتاي, بوسنييا جەنە گەرتسەگوۆينا, كيپر, مولدوۆا, باشقۇرتستان, ٷندٸستان, رۋمىنييا, تاتارستان جەنە بولگارييا سىندى 21 مەملەكەتتەن بي ۇجىمدارى قاتىسىپ, ٶز ەپتٸلٸكتەرٸ مەن مىقتىلىقتارىن تانىتتى. بي قيمىلىمەن تٸلسٸز ٶنەر بايلىعىن پاش ەتكەن ەر ەلدٸڭ دارابوز بيشٸلەرٸ ٸشٸنەن كٶشباسشى ورىندى قازاقستاندىق «قازىنا» بي انسامبلٸنە بەرسە, ەكٸنشٸ ورىنعا مولدوۆا مەملەكەتٸنٸڭ ٶنەرپازدارى لايىق دەپ تانىلىپ, «كٷمٸس قاراكٶز» جٷلدەسٸ بۇيىردى. «قولا قاراكٶز» اتالىمىنا يە بولعان گرۋزييانىڭ بي ۇجىمى ٷشٸنشٸ ورىننىڭ جٷلدەسٸن ٶز ەلٸنە ارقالاي قايتتى.
اتالعان بي بايقاۋىنىڭ ماقساتى - حالىقارالىق ٶنەر ۇجىمدارىنىڭ بٸرەگەيٸن انىقتاۋ جەنە ٶزارا قارىم-قاتىناستى ارتتىرۋ بولسا, سايىسقا قويىلعان تالاپ دەڭگەيٸ دە كٷردەلٸلٸگٸمەن ەرەكشەلەندٸ. بي توبىنىڭ ساحنا مەدەنيەتٸ مەن ەربٸر قيمىل-قوزعالىسى, مۋزىكا ىرعاعىمەن بايلانىسى مەن ٶز مەملەكەتٸنٸڭ ۇلتتىق ناقىشىن بەينەلەيتٸن كيٸم ٷلگٸسٸ قازىلار القاسىنىڭ نازارىنان تىس قالمادى. دودا بارىسىنداعى ەگجەي-تەگجەيلٸ زەردەلەۋ مەن بي تاكتيكاسىنىڭ سەتتٸلٸكپەن ورىنداۋ شەبەرلٸگٸن ساراپتاۋ, كٸل مىقتىلاردىڭ ايرىقشا سيپاتتارى مەن ٶنەر ەلەمٸندەگٸ بيٸكتٸكتەرٸن اڭعارتتى.
تٷركييا رەسپۋبليكاسىنىڭ مەدەنيەت جەنە تۋريزم مينيسترلٸگٸ, بۋرسا مۋنيتسيپاليتەتٸ مەن تٷركسوي حالىقارالىق ۇيىمىنىڭ ۇيىمداستىرۋىمەن ٶتكٸزٸلگەن «التىن قاراكٶز» فولكلورلىق بي بايقاۋىنا قاتىسقان «قازىنا» بي انسامبلٸنە وڭتٷستٸك قازاقستان وبلىسىنىڭ ەكٸمدٸگٸ جەنە قازاقستاننىڭ تٷركيياداعى ەلشٸلٸگٸ قولداۋ بٸلدٸردٸ. قازاقستان رەسپۋبليكاسىنىڭ تۇڭعىش پرەزيدەنتٸ قورىنىڭ لاۋرەاتى, قر مەدەنيەت قايراتكەرٸ ەجٸبەكوۆا زەۋرە بەكەمبايقىزىنىڭ جەتەكشٸلٸگٸندەگٸ بٸرنەشە حالىقارالىق, رەسپۋبليكالىق بي بايقاۋلارىندا جەڭٸس تۇعىرىنان كٶرٸنٸپ, كٷنگەي ٶلكەنٸڭ ٶمٸرشەڭ ٶنەرٸن ناسيحاتتاپ جٷرگەن بي ۇجىمى بۇل سايىستا دا قازاقتىڭ ۇلتتىق ٶنەرٸن پاش ەتتٸ.
وقو ەكٸمٸنٸڭ باسپاسٶز قىزمەتٸ
