سارىاعاش قالاسىنىڭ تۇرعىنى 53 جاستاعى ايبٶبٸ دٷيسەنبٸ سولتٷستٸك قازاقستان وبلىسى شوقان ۋەليحانوۆ اۋدانىنىڭ القاتەرەك اۋىلىنا قونىس اۋدارىپ بارا جاتىر. وتباسىنداعى 5 اداممەن ٷيسٸز, جۇمىسسىز جٷرگەن ايبٶبٸ جاڭا مەكەندە باسپانا مەن جۇمىس تابىلادى دەپ ٷمٸتتەنەدٸ.
– بٸر اي بۇرىن بالام القاتەرەكتٸڭ تىنىس-تٸرشٸلٸگٸمەن تانىسىپ كەلگەن. ۇلىم – دەنەكەرلەۋشٸ, كەلٸنٸم – تەربيەشٸ, ٶزٸم – اسپازشىمىن. ەكٸمدٸگٸ جۇمىس تاۋىپ بەرۋگە ۋەدە ەتتٸ. ول جاقتا ٷي باعاسى دا ارزان ەكەن. كٶشۋدٸ ۇيعاردىق, - دەيدٸ ول.
سارىاعاش اۋداندىق جۇمىسپەن قامتۋ ورتالىعىنىڭ ديرەكتورى شٸرٸنبەك ەشانقۇلوۆتىڭ ازاتتىققا ايتۋىنشا, سولتٷستٸك قازاقستان وبلىسىنىڭ شوقان ۋەليحانوۆ جەنە اقجار اۋداندارىنا قونىس اۋدارىپ بارا جاتقان 30 وتباسىنداعى جاندارعا مەملەكەتتەن كۆوتا بٶلٸنەدٸ.
– مىسالى, وتاعاسىنا 105 مىڭ تەڭگە, ال وتباسىنىڭ ەربٸر مٷشەسٸنە 75 مىڭ تەڭگە شاماسىندا قارجىلاي كٶمەك بەرٸلەدٸ. بۇل تەك قانا كٶشٸپ بارعاندا بٸر رەتتٸك بەرٸلەتٸن كٶمەك. كٶشٸپ بارعاندار مٷمكٸندٸنشە باسپانامەن, جۇمىسپەن قامتىلاتىن بولادى, - دەيدٸ شەنەۋنٸك.
حالىق تىعىز ورنالاسقان وڭتٷستٸك قازاقستان ايماعىنان ەگٸن جەنە مال شارۋاشىلىعىن دامىتۋعا جۇمىس كٷشٸنە سۇرانىس بار ەلدٸڭ سولتٷستٸك ٶڭٸرٸنە قونىس اۋدارۋ باستالعانىنا ٷشٸنشٸ جىل.
جەرگٸلٸكتٸ بيلٸكتٸڭ مەلٸمەتٸ بويىنشا, بيىل جىل باسىنان بەرٸ سارىاعاش اۋدانىنان 140 مٷشەسٸ بار 28 وتباسى سولتٷستٸك قازاقستانعا كٶشٸپ كەتكەن.
