وڭتۇستىك قازاقستان وبلىسىندا سۇيىتىلعان گاز باعاسى ارزاندادى. سونداي-اق وڭىرگە بولىنەتىن سۇيىتىلعان مۇناي گازىنىڭ كولەمى 11 500 تونناعا دەيىن ۇلعايتىلدى. بۇعان وڭتۇستىك قازاقستان وبلىسى اكىمدىگى ۋاكىلەتتى ورگانمەن بىرلەسىپ جۇرگىزگەن جۇمىستارىنىڭ ارقاسىندا قول جەتىزىلىپ وتىر. وسى جۇمىستاردىڭ ناتيجەسىندە  وبلىستاعى اۆتوگازقۇيۋ بەكەتتەرىندەگى باعا 2017 جىلدىڭ باستالۋىمەن سالىستىرعاندا ءليترى 59-60 تەڭگەنى قۇراپ، 7 تەڭگەگە دەيىن تومەندەتىلىپ حالىقتىڭ الەۋمەتتىك جاعدايىنا وڭ اسەرىن بەردى.

ايتا كەتەيىك،وتكەن جىلدىڭ سالىستىرمالى كەزەڭىندە ەنەرگەتيكا مينيسترلىگى تاراپىنان وڭتۇستىك قازاقستان وبلىسىنا 4000 توننا كولەمىندە سۇيىتىلعان مۇناي گازى بولىنگەن. بۇل بولىنگەن كولەم وبلىستىڭ سۇرانىسىن تولىق قامتاماسىز ەتپەي سۇيىتىلعان گاز باعاسىنىڭ ەداۋىر جوعارعى دەڭگەيدە قالىپتاسۋىنا الىپ كەلگەن بولاتىن.

ەسكە سالايىق،  ق ر 2012 جىلعى 9 قاڭتارداعى «گاز جانە گازبەن جابدىقتاۋ تۋرالى» زاڭىمەن رەسپۋبليكادا گاز جانە گازبەن جابدىقتاۋ سالاسىندا مەملەكەتتىك رەتتەۋ ەنگىزىلگەن. اتالعان زاڭعا سايكەس، قازاقستان رەسپۋبليكاسىنىڭ ىشكى نارىعىنىڭ سۇيىتىلعان مۇناي گازىنا قاجەتتىلىكتەرىن قاناعاتتاندىرۋ ماقساتىندا ق ر ەنەرگەتيكا مينيسترلىگى ۇكىمەت بەلگىلەگەن تارتىپپەن، ىشكى نارىققا جەڭىلدەتىلگەن باعاداعى سۇيىتىلعان مۇناي گازىن بەرۋ جوسپارىن بەكىتتى.

بۇگىندە وڭتۇستىك قازاقستان وبلىسىندا 27 مىڭنان استام اۆتوكولىك سىعىمدالعان گاز پايدالانادى. ال،  اۆتوگاز قۇيۋ بەكتەرىنىڭ سانى 240 بىرلىككە جەتىپ وتىر. بۇل كورسەتكىش وتكەن جىلمەن سالىستىرعاندا 2 ەسەگە كوبەيگەن. كۇنىنە وبلىس بويىنشا شامامەن 20 اۆتوكولىككە گاز قوندىرعىسى ورناتىلادى.

 

وقو اكىمىنىڭ باسپا ءسوز قىزمەتى