مالىمەتكە سايكەس، وبلىستاعى 3209 بيۋدجەتتىك مەكەمەلەردىڭ الداعى جىلۋ ماۋسىمىنا دايىندىعى 83 پايىزدى قۇراسا، بۇل 2677 مەكەمە دەگەن ءسوز. ولارعا بۇگىنگە دەيىن 102 مىڭ توننا قاتتى وتىن جەتكىزىلىپتى.
«بۇگىنگە دەيىن ءبىلىم سالاسىنا قاجەتتى 134 مىڭ توننا قاتتى وتىننىڭ 72،5 مىڭ تونناسىن، دەنساۋلىق ساقتاۋ سالاسىنا قاجەتتى 27،5 مىڭ توننانىڭ 25،5 مىڭ تونناسىن، مادەنيەت سالاسىنا 422 تن، سپورت سالاسىنا 1،7 مىڭ تن، جۇمىسپەن قامتۋ سالاسىنا 1،7 مىڭ تن. قاتتى وتىن جەتكىزىپ ۇلگەردىك. سول سياقتى وبلىستاعى بيۋدجەتتىك مەكەمەلەرگە قاجەتتى سۇيىق وتىن كولەمى 5،8 ملن. ليتر بولسا، بۇگىنگى كۇنگە تاسىمالدانعانى 2،6 ملن. ليتر، ياعني، جۇمىستار 45%-عا ورىندالدى. ورتالىقتاندىرىلعان جىلۋمەن قامتاماسىز ەتەتىن مەكەمەلەرگە قاجەتتى قاتتى وتىن (كومىر) كولەمى 106،014 مىڭ توننا، تاسىمالدانعانى 16 مىڭ تن. (15%). قازىرگى كەزدە تەك قانا «كەنتاۋسەرۆيس» مكك تاسىمالدانۋدا. بۇل جۇمىستار ءالى دە جالعاسىن تابادى»، – دەدى م.مارايىم.
سونىمەن بىرگە، باسپا ءسوز جيىنىندا باسقارما باسشىسى ورتالىقتاندىرىلعان جىلۋمەن قامتاماسىز ەتىلەتىن كوپقاباتتى تۇرعىن ۇيلەردىڭ جايىنا دا توقتالدى. ايتۋىنشا، وسى جىلدىڭ 1 قاراشاسىنا دەيىن 2327 كوپقاباتتى تۇرعىن ءۇي ورتالىق قازاندىققا قوسىلۋى ءتيىس. ازىرگە، 1150 تۇرعىن ءۇي جىلۋ بەرۋگە دايىن بولسا، مۇنىڭ ۇلەستىك سالماعى 49 پايىزعا تەڭ.
تىلشىلەرمەن بولعان كەزدەسۋدە انىقتالعان تاعى ءبىر اقپار، سالا ماماندارى «نۇرلى جول» باعدارلاماسى جانە وبلىستىق بيۋدجەت قارجىسى ارقىلى ورتالىقتاندىرىلعان جىلۋ قۇبىرلارىنىڭ 31 شاقىرىمىن (بارلىعى 58،3 شق.) قايتا قۇرۋ جانە اعىمداعى جوندەۋ جۇمىستارىنان وتكىزگەن. ال ورتالىقتاندىرىلعان اۋىز سۋ قۇبىرلارىن قايتا قۇرۋ جۇمىستارىنا كەلسەك، جوندەۋدەن ءوتۋى ءتيىس 75،3 شاقىرىم سۋ قۇبىرىنىڭ قازىرگى تاڭدا 50،4 شاقىرىمى (67%) جۇمىسقا ساقاداي ساي. جۇمىستاردى اياقتاۋ قازان ايىنىڭ 15-نە جوسپارلانعان.
وقو اكىمىنىڭ باسپا ءسوز قىزمەتى
