كۇن تارتىبىندە سۋ تاسقىنى ءقاۋىپىن الدىن الۋ جانە جويۋ بويىنشا 2017-2020 جىلدارعا ارنالعان «جول كارتاسى» جوباسىنا ەنگىزىلگەن 1-كەزەڭدىك ءىس-شارالاردىڭ جۇزەگە اسىرۋ بارىسى تالقىلاندى. بۇل تۋرالى وبلىستىق اۋىل شارۋاشىلىعى باسقارما باسشىسىنىڭ مىندەتىن ۋاقىتشا اتقارۋشى تۇرعانبەك وسپانوۆ بايانداما جاسادى.
ونىڭ ايتۋىنشا، وڭىردەگى سۋ تاسقىنىنا قارسى ينجەنەرلىك 98 ءىس-شارا اتقارىلىپ، سۋ جيناقتاۋ كولەمى 342،75 ملن. شارشى مەتردى قۇرايتىن 30 شاعىن سۋ قويماسى ايقىندالىپتى. ناتيجەسىندە 12 نىسان بويىنشا جوبالاۋ سمەتالىق قۇجاتتاما ازىرلەنگەن. بيىل جەرگىلىكتى بيۋدجەتتەن 2 نىسانعا 174، 2 ملن. تەڭگە بولىنسە، قالعان 10 نىسانعا 960،98 ملن. تەڭگە قاراستىرىلعان. الايدا رەسپۋبليكالىق جول كارتاسىن بەكىتۋ كەزىندە وڭتۇستىك قازاقستان وبلىسى بويىنشا 29 نىسان ەنگىزىلمەي قالعان. وسى قالعان 29 نىسان بويىنشا وبلىستىق دەڭگەيدە ارنايى ءىس-شارالار كەشەنى ازىرلەنىپ، وبلىستىق بيۋدجەتتەن 2،1 ملرد. تەڭگە بولىنگەن. جالپى قۇنى شامامەن 6،3 ملرد. تەڭگە بولاتىن 30 شاعىن سۋ قويماسىنىڭ قۇرىلىسىن جۇزەگە اسىرۋ Iءى – كەزەڭنەن تۇرادى. بۇگىنگى كۇنى اتالعان جوسپاردىڭ ءبىرىنشى كەزەڭىندە جالپى قۇنى 3،8 ملرد. تەڭگە بولاتىن 5 جوبانى ىسكە اسىرۋ جوسپارلانعان.
كۇن تارتىبىندەگى ەكىنشى ماسەلە – وبلىس اۋماعىنداعى سەيسميكالىق قاۋىپسىزدىكتى قامتاماسىز ەتۋ تۋرالى وبلىستىق ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى مارعۇلان مارايىم بايانداما جاسادى. ونىڭ ايتۋىنشا، جالپى وبلىسىمىزدا 3253 كوپقاباتتى تۇرعىن ءۇي بار. ونىڭ بۇگىندە 1393ء-ى كۇردەلى، 1035ء-ى اعىمداعى جوندەۋ جۇمىستارىن قاجەت ەتەدى. ال، تەحنيكالىق زەرتتەۋ قورىتىندىسىنا ساي وبلىستا قايتا قالپىنا كەلتىرۋگە جاتپايتىن اپاتتى 14 ءۇي بار. بۇدان بولەك، 18 ءۇيدىڭ سەيسمو جاعدايىن نىعايتۋ قاجەت. بيىل 7 ۇيگە وبلىستىق بيۋدجەت ەسەبىنەن 753،0 ملن. تەڭگە ءبولىنىپتى.
كۇن تاربىبىندەگى ءۇشىنشى ماسەلە – اسا ءقاۋىپتى جۇقپالى اۋرۋلاردىڭ الدىن الۋ. بۇل تۋرالى وڭتۇستىك قازاقستان وبلىسىنىڭ قوعامدىق دەنساۋلىق ساقتاۋ دەپارتامەنتىنىڭ باسشىسى نۇربەك نىشانوۆ جان-جاقتى باياندادى. وبلىسىمىزدا كەنە شاعۋ جاعدايلارى بىلتىرعى جىلمەن سالىستىرعاندا 28،9 پايىزعا تومەندەگەن.
جيىندى قورىتىندىلاعان وبلىس اكىمى جاۋاپتى باسقارما باسشىلارى نەگىزگى ءۇش ماسەلە تۋرالى ناقتى تاپسىرمالار جۇكتەدى.
– اۋدان، قالا بيۋدجەتى ەسەبىنەن ارنايى باعدارلاما اشىپ، اۆاريالىق جانە ەسكى تۇرعىن ۇيلەردى بۇزۋدى جانە سەيسمونىعايتۋ جۇمىستارىن كۇشەيتۋ قاجەت. بۇل رەتتە قۇرىلىس ساپاسى قاتاڭ قاداعالاۋعا الىنۋى ءتيىس، – دەدى جانسەيىت قانسەيىت ۇلى.
سونداي-اق اكىم وبلىسىمىزداعى اسا ءقاۋىپتى جۇقپالى اۋرۋلاردىڭ الدىن الۋ جۇمىستارىنا مىقتاپ ءمان بەرۋدى تاپسىردى. بۇل رەتتە كوشەلەردە ءسۇت جانە ەت ونىمدەرىنىڭ باقىلاۋسىز ساتىلۋىنا جول بەرىلمەۋى كەرەكتىگى جۇكتەلدى.
وقو اكىمىنىڭ باسپا ءسوز قىزمەتى
