وسى جىلدىڭ 29-31قانتار ارالىعىندا اقمولا وبلىسى، ششۋچە قالاسىنداعى «بالداۋرەن» رەسپۋبليكالىق وقۋ-ساۋىقتىرۋ ورتالىعىنىڭ بازاسىندا وتكەن جارىسقا وڭىرىمىزدەن 18 جوبا بويىنشا 18 وقۋشىدان تۇراتىن كوماندا قاتىستى.
كونكۋرسقا قاتىسقان 18 وقۋشىنىڭ بارلىعى دا وزدەرىنىڭ زەرتتەۋ جۇمىستارىن جوعارى دارەجەدە قورعاپ، جۇلدەلى ورىندارعا يە بولدى. ماسەلەن، وقۋشىلاردىڭ 5ء-ۋى ءبىرىنشى ورىن، 5ء-ۋى ەكىنشى ورىن، 7 وقۋشى ءۇشىنشى ورىن السا، 1 وقۋشى نوميناسيا يەلەندى. اتاپ ايتقاندا، م.ح.دۋلاتي اتىنداعى ۇشتىلدە وقىتاتىن مامانداندىرىلعان № 8 گيمنازياسى، ت.تاجىبايەۆ اتىنداعى №47 مەكتەپ گيمنازياسى، ن.ونداسىنوۆ اتىنداعى № 38 مەكتەپ-گيمنازياسى، ى.التىنسارين اتىنداعى № 65 مەكتەپ-گيمنازياسىنىڭ وقۋشىلارى مەديسينا، ورىس ءتىلى مەن ادەبيەت جانە تەحنيكا مەن ۆالەولوگيا سەكسيالارى بويىنشا ءبىرىنشى ورىنعا يە بولسا، بيولوگيا، قولدانبالى ماتەماتيكا، حيميا جانە تاريح پاندەرى بويىنشا ەكىنشى ورىندى الدى.
ال تولەبي اۋدانى № 1، №2 مەكتەپ-گيمنازياسى، ن.ونداسىنوۆ اتىنداعى № 38 مەكتەپ-گيمنازياسى، جەكەمەنشىك «ءتورجان» گيمنازياسى، س.ەرۋبايەۆات اتىنداعى № 24 مەكتەپ-ليسەيى، وبلىستىق № 2 مامانداندىرىلعان ۇشتىلدە وقىتىلاتىن مەكتەپ-نتەرناتى ادەبيەتتانۋ، ەتنومادەنيەتتانۋ، ۆالەولوگيا، قازاق ءتىلى مەن ورىس ءتىلى جانە ماتەماتيكا سەكساسيالارى بويىنشا جۇلدەلى ءۇشىنشى ورىندى السا، كەنتاۋ ايماقتىق «دارىن» مەكتەپ-ينتەرناتىنىڭ وقۋشىسى فيزيكا ءپانى بويىنشا ارنايى نوميناسياعا لايىقتى دەپ تابىلدى.
بايقاۋعا ەلىمىزدىڭ بارلىق وبلىسىنان جانە رەسپۋبليكالىق ءبىلىم ۇيىمدارىنان 500-دەن استام وقۋشى قاتىسقان بولاتىن. عىلىمي جوبا جارىسىنان توپ جارعان وقۋشىلارىمىز مۇنان سوڭ، رەسپۋبليكالىق «بالداۋرەن» وقۋ–ساۋىقتىرۋ ورتالىعىنىڭ ارنايى ورىندارىندا، سۋعا ءجۇزۋ، ويىن، سپورت جانە 3D كينو زالىندا بولىپ، «بۋراباي-ششۋچە» ايماعى مەن بۋرابايدىڭ ەڭ كورىكتى ورىندارى «وقجەتپەس»، «جۇمباقتاس»، ابىلايحان الاڭدارىنا ارنايى ساياحات جاساپ، ءبىر سەرپىلىپ، جوعارى كوڭىل-كۇيمەن قايتتى.
ايتا كەتۋ كەرەك، 1-7 سىنىپ وقۋشىلارى اراسىندا «زەردە» شىعارماشىلىق جوبالار مەن زەرتتەۋ جۇمىستارىنىڭ رەسپۋبليكالىق كونكۋرسى «دارىن» رەسپۋبليكالىق عىلىمي-پراكتيكالىق ورتالىعىنىڭ ۇيىمداستىرۋىمەن 2005 جىلدان باستاپ وتكىزىلىپ كەلەدى. «زەردە» كونكۋرسىنىڭ نەگىزگى ماقساتى – وقۋشىلاردى جاستايىنان زەرتتەۋ جۇمىستارىنا تارتۋ، سونىمەن قاتار، زەرتتەۋشىلىك داعدىلارىن جەتىلدىرۋ ارقىلى ولاردىڭ ينتەللەكتۋالدىق شىعارماشىلىق الەۋەتىن ارتتىرۋ، وقۋشىلاردىڭ جاس كەزىنەن باستاپ شىعارماشىلىق جوبالاۋ جانە زەرتتەۋشىلىك داعدىلارىن دامىتۋ بولىپ تابىلادى.
وقو اكىمىنىڭ باسپا ءسوز قىزمەتى
