وڭتۇستىك قازاقستان وبلىسىنىڭ 2017 جىلعا ارنالعان بيۋدجەت كولەمى جالپى 507،7 ملرد. تەڭگەنى قۇراپ، وتكەن جىلمەن سالىستىرعاندا 23 ملرد. تەڭگەگە ءوستى. نەگىزىنەن مۇندا وبلىستىڭ الەۋمەتتىك، ەكونوميكالىق ماڭىزدى سالالارىنا قاجەتتى قارجى ءبولىندى. اتاپ ايتساق، وبلىس اۋماعىندا توتەنشە جاعدايلاردىڭ الدىن الۋ جانە جويۋ جۇمىستارىن جۇرگىزۋ ءۇشىن 389،4 ملن. تەڭگە ، ايماقتاعى 128 مەكتەپتى روبوتوتەحنيكا كابينەتىمەن جاراقتاندىرۋعا 748،2 ملن. تەڭگە قاراستىرىلىپ وتىر. بۇگىن بۇل تۋرالى وڭتۇستىك قازاقستان وبلىستىق ءماسليحاتىنىڭ كەزەكتى ون ءۇشىنشى سەسسياسىندا وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ ءمالىم ەتتى.
قايتا ناقتىلانعان بيۋدجەتتىڭ ەڭ كوپ سومماسى ياعني-1،5 ملرد تەڭگەسى «بيزنەستىڭ جول كارتاسى - 2020» باعدارلاماسى اياسىندا كاسىپكەرلىكتى قولداۋ ماقساتىنا ءبولىندى.بۇل قارجى بانكتەگى نەسيەلەردىڭ پايىزدىق ستاۆكالارىن سۋبسيديالاۋ ءۇشىن قوسىمشا قارالىپ وتىر. بيىلعى جىلى اتالعان ماقساتقا 3 ملرد بولىنگەن بولاتىن، ەندى وعان 1،5 ملرد.تەنگە قوسىلىپ جالپى 4،5 ملرد. تەنگەنى قۇرادى. بۇل دەگەنىمىز بانكتەردەن شامامەن 37 ملرد. تەنگەگە جۋىق ينۆەستيسيا تارتۋعا جول اشادى، ياعني كاسىپكەرلەرگە وسى سومماعا نەسيە الۋعا مۇمكىندىك بار.
«وزدەرىڭىزگە بەلگىلى، ەلباسىمىز نۇرسۇلتان ءابىش ۇلى نازاربايەۆ بىزگە ءوڭىردى دامىتۋ بويىنشا ناقتى تاپسىرمالار بەرگەن بولاتىن. ءبىز بارلىعىمىز سول تاپسىرمالاردى ورىنداۋعا مىندەتتىمىز. سوندىقتان دا كاسىپكەرلىكتى جانە الەۋمەتتىك سالالاردى دامىتۋعا بارلىق مۇمكىندىكتەر جاسالىنىپ وتىر. ال، شىمكەنتتەگى 4 ءۇيدىڭ قۇرىلىسىن جالعاستىرۋعا 554،3 ملن. تەڭگە قاراستىردىق. 4 اۋىز سۋ جانە 2 كارىز نىساندارىنىڭ قۇرىلىسىنا 495 ملن. تەڭگە ءبولىنىپ وتىر. بۇدان بولەك، شىمكەنت قالاسىنداعى بوزارىق 1،2،3 تۇرعىن ءۇي الابىن ەلەكترمەن قامتاماسىز ەتۋ قۇرىلىسىن جالعاستىرۋعا 200 ملن. تەڭگە جۇمسايتىن بولامىز»، - دەدى ج. تۇيمەبايەۆ.
بيىل تۇركىستان جانە كەنتاۋ قالالارىنداعى تۇرعىن ۇيلەردى جاڭعىرتۋعا 491،5 ملن.تەڭگە باعىتتالسا، شىمكەنت قالاسىنداعى بۇرىنعى قوقىس پوليگونىڭ اۋماعىندا ساياباق سالۋ جانە كوشەلەردى جارىقتاندىرۋ جۇمىستارىن جۇرگىزۋ ءۇشىن 400،7 ملن. تەڭگە جوسپارلانۋدا.
بۇدان بولەك، 6 ءبىلىم بەرۋ نىساندارىنىڭ قۇرىلىسىن باستاۋعا 55 ملن.تەڭگە بولىنەدى. ال،مىندەتتى الەۋمەتتىك مەديسينالىق ساقتاندىرۋ جۇيەسىن ەنگىزگە جانە ورتالىقتاندىرىلعان اقپاراتتىق جۇيەسىنە كوشۋ باعىتىندا دەنساۋلىق ساقتاۋ سالاسىنىڭ مەديسينالىق ۇيىمدارىنا 1 732 دانا كومپيۋتەر ساتىپ الۋعا 346،4 ملن. تەڭگە قاراستىرىلىپ وتىر. دەنساۋلىق ساقتاۋ سالاسىن دامىتۋعا جالپى 4 ەمحانانىڭ قۇرىلىسىنا جانە 2 جوبانىڭ جوبالاۋ-سمەتالىق قۇجاتتاماسىنا 97 ملن. تەڭگە باعىتتالاتىن بولادى.
سەسسيا بارىسىندا وبلىستىق ماڭىزى بار 2 اۆتوموبيل جولىنىڭ قۇرىلىسىن باستاۋ جانە استانا داڭعىلىنىڭ قۇرىلىسىن جالعاستىرۋ ءۇشىن 224،4 ملن. تەڭگە قاراستىرىلدى.
