شاراعا وقو اكىمىنىڭ ورىنباسارى ۇ.سادىبەكوۆ پەن اۋدان، قالا «جاستار رەسۋرستىق ورتالىقتارىنىڭ» باسشىلارى مەن ۇكىمەتتىك ەمەس ۇيىم وكىلدەرى، جوعارى جانە ورتا ارناۋلى وقۋ ورىندارىنىڭ ستۋدەنتتەرى، ب ا ق وكىلدەرى قاتىستى.
مەرەكەلىك شارا بارىسىندا اۋدان، قالالاردان كەلگەن جاستار اراسىندا قول كۇرەس، قازاقشا كۇرەس، ارقان تارتۋ، كىر تاسىن كوتەرۋ، ۇلتتىق قول ونەر شىعارماشىلىعى جانە ءداستۇرلى ءان ايتۋ بويىنشا سايىستار ۇيىمداستىرىلىپ، ناتيجەسى بويىنشا باعالى سىيلىقتارمەن ارنايى العىس حاتتار تابىستالدى.
اتاپ ايتقاندا، قول كۇرەستەن شىمكەنتتىك ماعجان شامييەۆ ەشكىمگە دەس بەرمەي، 1-ورىندى السا، 2-ورىن جەرلەسى اقتاي تالعاتقا، 3-ورىن شاردارالىق ءابىلدا ەرجانعا بۇيىردى.
ارقان تارتۋ سايىنىنان ماقتاراارالدىق جاستارعا ەشكىم تەڭ كەلگەن جوق. كۇش اتاسى – قاجىمۇقاننىڭ ءىزباسارلارى رەتىندە شىمكەنتتىك قاتىسۋشىلار 2-ورىندى، تولەبيلىك جاستار 3-ورىندى يەمدەندى.
ال كىر تاسىن كوتەرىپ سايىسقا تۇسكەندەردەن 1-ورىندى شاردارا اۋدانىنان اينابەك مۇرات، 2-ورىندى سارىاعاش اۋدانىنان باقىتجان تۇردىقۇلوۆ، 3-ورىندى تولەبي اۋدانىنان مۇحتارجان سەرالييەۆ يەمدەندى.
"ۇلتتىق قول ونەر شىعارماشىلىعى" بايقاۋىنان 1-ورىن قانات كەڭەسوۆكە (سارىاعاش اۋدانى) بۇيىرسا، 2-ورىن جانايىم نۇردىللايەۆاعا (شىمكەنت) تابىستالدى. 3-ورىن اقەركە جولداسقا (بايدىبەك اۋدانى) بەرىلدى.
ال "ءداستۇرلى ءان سالۋ" سايىسى بويىنشا سوزاقتىق جاستىڭ باعى مەن بابى قاتار شاپتى. ءان ايتۋدان ەلدوس ءجۇسىپوۆتىڭ مەرەيى ۇستەم بولسا، شىمكەنتتىك ارۋ ايلەز نازەركە دە جۇلدەلى ەكىنشى ورىندى قانجىعاسىنا بايلادى. ۇزدىك ۇشتىكتىڭ قۇرامىندا تولەبي اۋدانىنىڭ نامىسىن قورعاپ كەلگەن حانىبەك توقتاقۇلوۆ تا بار.
وقو اكىمىنىڭ باسپا ءسوز قىزمەتى
