وڭتٷستٸك قازاقستان وبلىسى رەسپۋبليكامىزدا العاش بوپ ەگٸن ورۋ ناۋقانىن باستاپ جٸبەردٸ. قازىعۇرت اۋدانىنداعى «ايقوجا» ٶندٸرٸستٸك كوووپەراتيۆٸنە قاراستى ەگٸستٸك القابىنا كومبايندار تٷسٸپ, بيدايدىڭ العاشقى ٶنٸمٸ قامباعا جٶنەلتٸلدٸ. ەگٸس ورۋ ناۋقانىنىڭ كۋەگەرٸ بولعان وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ اۋدان باسشىلىعىنا الداعى جىلدارى ارپا, بيداي ەگٸس كٶلەمٸن ارتتىرىپ, ونى ەكسپورتتاۋ مەن تۇقىمدىق ساپاسىن جاقسارتۋ مەسەلەسٸنە نازار اۋدارۋدى جٷكتەدٸ.
«ٶكٸنٸشكە وراي, وبلىسىمىزدا تۇقىمدىق سورتتاردىڭ زەرتتەلٸپ, سارالانۋى جوعارى دەرەجەدە ەمەس. سوندىقتان شارۋالار شامالارى كەلگەنشە جەرگٸلٸكتٸ سورتتاردى پايدالانىپ كەلەدٸ. وسىعان بايلانىستى قازٸر اق ەگٸس تۇقىمدارىنىڭ ساپاسىن رەتتەۋ ٷشٸن ارنايى باعدارلاما ەزٸرلەپ جاتىرمىز. سەبەبٸ, ەگٸن ەگۋدە تۇقىمنىڭ ساپالى بولۋى ٶتە ماڭىزدى»,- دەدٸ جانسەيٸت قانسەيٸتۇلى.
جالپى وڭتٷستٸك قازاقستان وبلىسىندا بيىل 218 مىڭ گەكتار بيداي ەگٸلگەن. ودان 401 مىڭ توننا استىق جينالادى دەگەن جوسپار بار. مەسەلەن, بٸر عانا قازىعۇرت اۋدانىندا 38 مىڭ گەكتار القاپقا ارپا-بيداي ەگٸلٸپتٸ. ديقاندار گەكتارىنا 25,4 تسەنتنەردەن ٶنٸم جينايمىز دەپ نيەتتەنٸپ وتىر.
«بٷگٸندە بٸزدٸڭ كووپەراتيۆتە جەر كٶلەمٸ 12700 گەكتارعا جەتٸپ وتىر. ونىڭ 6700 گەكتارى تەلٸمدٸ, 1000 گەكتارى شابىندىق, قالعانى اۋىسپالى ەگٸسكە جاتادى. ٶتكەن جىلى 1050 گەكتار بيداي القابىنان 24 تسەنتنەردەن قامباعا 2520 توننا استىق جينادىق»,- دەيدٸ «ايقوجا» ٶندٸرٸستٸك كوووپەراتيۆٸ تٶراعاسىنىڭ ورىنباسارى سايان باتىرباەۆ.
قازٸرگٸ تاڭدا مۇندا وراق ناۋقانىندا 30-عا جۋىق ادام ەڭبەك ەتٸپ جاتىر. جۇمىسشىلاردىڭ ورتاشا جالاقاسى 60 مىڭ تەڭگەدەن جوعارى. كووپەراتيۆتە ەگٸن ورۋ ناۋقانىنا تەحنيكا تولىعىمەن جەتكٸلٸكتٸ. جالپى بيىلدىڭ ٶزٸندە قازىعۇرتتىق استىق ەگۋمەن اينالىساتىن قوجالىقتار 32 دانا جاڭا تەحنيكامەن جابدىقتالىپتى.
