وڭتٷستٸك اگروٶنەركەسٸپتٸ دامىتۋدى باقىلاۋعا الدى
القا مەجٸلٸسٸنە وبلىس ەكٸمٸ ج. تٷيمەباەۆ پەن ورىنباسارلارى, وبلىستىق باسقارما باسشىلارى, قالا, اۋدان ەكٸمدەرٸ, وبلىستىق مەسليحات دەپۋتاتتارى, مەملەكەتتٸك كٸرٸستەر ورگاندارى مەن باسقا دا ۋەكٸلەتتٸ جەنە قۇقىق قورعاۋ ورگاندارىنىڭ باسشىلارى قاتىستى.
القا مەجٸلٸسٸندە بايانداما جاساعان وبلىستىق پروكۋراتۋراسىنىڭ بٸرٸنشٸ باسقارما باسشىسى رٷستەم دٷيسەنباەۆ وتىرعانداردىڭ نازارىن اۋىل شارۋاشىلىق كەشەنٸن دامىتۋ باعدارلاماسىنىڭ تيٸمدٸلٸگٸنە كەرٸ ەسەر ەتكەن سۋبسيدييا بٶلۋ پروتسەدۋرالارىنىڭ بۇزۋشىلىقتارىنا اۋداردى. سونداي-اق ول شارۋالارعا جاسالعان ەكٸمشٸلٸك كەدەرگٸلەر مەن ەۋرە-سارساڭدىققا, قاجەتتٸلٸكتٸ دۇرىس قالىپتاستىرماۋ جەنە بيۋدجەت قارجىسىن تيٸمسٸز جاراتۋ مەسەلەلەرٸنە توقتالدى.
«اۋىل شارۋاشىلىعىن سۋبسيدييالاۋ مەسەلەسٸ بويىنشا پروكۋرورلارمەن سومماسى 1,7 ملرد تەڭگەنٸ قۇرايتىن مىڭنان استام زاڭبۇزۋشىلىقتار انىقتالىپ, 26 دەرەك بويىنشا سوتقا دەيٸنگٸ تەرگەۋ باستالدى. بۇدان بٶلەك, مەملەكەتتەن كٶرسەتٸلٸپ جاتقان ٷلكەن جەردەمگە قاراماستان جۇمىسسىزدىقپەن كٷرەس تەسٸلدەرٸ رەتٸندە اگروٶنەركەسٸپتٸ قولداۋدىڭ قۇرالدارى تيٸستٸ دەرەجەدە پايدالانباۋدا. قازىعۇرت اۋدانىندا قىلمىس سانىنىڭ 7 پايىزعا ٶسكەندٸگٸ جەنە قىلمىس جاساعان تۇلعالاردىڭ 63 پايىزى جۇمىسسىز ەكەنٸ انىقتالىپ وتىر», - دەدٸ رٷستەم تٸلەشۇلى.
بۇدان بٶلەك, تەكسەرۋ نەتيجەسٸندە 200 مىڭنان استام زاڭبۇزۋشىلىقتار انىقتالىپ, ونىڭ ٸشٸندە 3,5 مىڭى كەسٸپكەرلٸكتٸڭ دامۋىنا كەرٸ سەپتٸگٸن تيگٸزەتٸن ەكٸمشٸلٸك كەدەرگٸلەر, 400 ملن. تەڭگەدەن استام بيۋدجەت قارجىسىن تيٸمسٸز جاراتۋ دەرەكتەرٸ ەشكەرەلەنگەن. سونداي-اق سالىق ٶندٸرۋ ٸسٸندە دە كەمشٸلٸكتەرگە جول بەرٸلگەنٸ انىقتالعان.
ايتا كەتەيٸك, بۇل پروكۋرورلىق كەشەندٸ تەكسەرۋ شاراسى ەلٸمٸزدە پيلوتتىق جوبا رەتٸندە باس پروكۋروردىڭ ٷكٸمەمەن جٷرگٸزٸلٸپ وتىر. الداعى ۋاقىتتا ٶزگە اۋدان قالالاردا دا جالعاسىن تاباتىن بولادى.
«ەلباسىمىز وڭتٷستٸككە جاساعان جۇمىس ساپارى بارىسىندا وبلىسىمىزدى 80 پايىز دوتاتسييادا وتىر دەپ اتاپ كەتتٸ. جاسىراتىنى جوق, ٶڭٸردە جۇمىسسىزدىقپەن كٷرەس, كەسٸپكەرلەرگە قولداۋ بٸلدٸرۋ, سالىق تٷسٸمدەرٸن مولايتۋ, تۋريزمدٸ دامىتۋ, ٶڭٸرگە ينۆەستيتسييا سالۋ, شارۋالارعا سۋبسيدييا بٶلۋ, اۋىل شارۋاشىلىعى كەشەنٸن دامىتۋ ماقساتىندا قىرۋار تٸرلٸكتەر اتقارىلىپ جاتىر. الايدا كەيبٸر اۋدانداردا بۇل جۇمىستار قوجىراپ, اۋدان ەكٸمدەرٸنٸڭ جۇمىستارىندا جٷيەسٸزدٸك بار ەكەنٸن بايقاپ وتىرمىز. الداعى ۋاقىتتا بارلىق اۋدان –قالا ەكٸمدەرٸنٸڭ جۇمىسى جٸتٸ قاداعالاۋدا بولادى», - دەدٸ جانسەيٸت قانسەيٸتۇلى.
القا وتىرىسىنىڭ قورىتىندىسىمەن جەرگٸلٸكتٸ اتقارۋشى جەنە ۋەكٸلەتتٸ ورگاندارعا مەملەكەتتٸك باعدارلامالاردى, سونىڭ ٸشٸندە اگروٶنەركەسٸپ كەشەنٸن دامىتۋ باعدارلاماسىن تيٸستٸ دەرەجەدە ٸسكە اسىرماۋدىڭ سەبەپ-سالدارىن جويۋعا باعىتتالعان ۇسىنىمدار بەرٸلدٸ.
