اتالمىش مەرەكەنىڭ ماڭىزدىلىعىن ەسكەرە وتباسى قۇندىلىقتارىن ناسيحاتتاپ، اتا-انا مەن بالا اراسىندا ىزگى قارىم-قاتىناستىڭ ورناۋىنا ىقپال ەتۋ ماقساتىندا س.جيەنبايەۆ اتىنداعى وبلىستىق جاسوسپىرىمدەر كىتاپحاناسىندا جىل سايىنعى ءداستۇر بويىنشا «ونەگەلى وتباسى – قوعام بايلىعى» اتتى كەزدەسۋ كەشى وتكىزىلدى. كەشكە زەينەتكەر جاقسىلىق ىستىلەۋوۆ پەن جۇبايى كىتاپحانا سالاسىنىڭ ارداگەرى – ايسارا ايتۋعانوۆا، سونداي-اق وڭىرىمىزدەگى ءومىر مەن ونەر الەمىندە قاتار جۇرگەن ت.احتانوۆ اتىنداعى وبلىستىق دراما تەاترىنىڭ كوركەمدىك جەتەكشىسى، اكتەر سەرجان امانقۇلوۆ جۇبايى اكتريساسى – مايگۇل مۇزبايەۆا قاتىستى.
«وتان وتباسىنان باستالادى» دەگەن دانا ءسوز بار. اتا-انانىڭ ءبىر بىرىنە قارىم قاتىناسى، ءجۇرىس تۇرىسى، سويلەۋ مادەنيەتى بارلىق ءىس-قيمىلدارى بالانىڭ بويىنا تاربيە بولىپ قالىپتاسادى. «كۇن سايىن ەرتەدەن كەشكە دەيىن، وتباسىندا اتا-انا، اعايىندارى تاراپىنان بالا الدىندا مىنەز-قۇلىقتىڭ سان الۋان ۇلگىلەرى ءوتىپ جاتادى. وسىنىڭ بارلىعىن جاس بالا بويىنا ءسىڭىرىپ وسەدى. ال بالانىڭ قوعامعا، اينالاسىنداعىلارعا قارىم-قاتىناسىنىڭ قالىپتاسۋى، تۋعان-تۋىستارىنا دەگەن قاتىناسىنان بايقالادى. «ۇيادا نە كورسەڭ، ۇشقاندا سونى ىلەرسىڭ» دەگەن اتا-بابامىزدان قالعان اسىل ءسوز تەككە ايتىلماعان.
بالا تاربيەسى-ورتاق ءىس. سوندىقتان كىتاپحانادا وتكەن شارا بارىسىندا قوناقتارجاستارمەن وي ءبولىسىپ، ونەگەلى اڭگىمەلەر ايتتى. جاستار جاعى وتباسىنداعى اتموسفەرانىڭ بالا تاربيەسىنە اسەرى قانداي؟ قازىرگى زامان تالابىنا ساي بالانىڭ تاربيەلەۋ، اجىراسۋدىڭ بالاعا تيەتىن زاردابى سىندى ماڭىزدى تاقىرىپتار جان-جاقتى تالقىلاندى.
كىتاپحانا ديرەكتورىنىڭ ورىنباسارى ءۇرجان كۋداسوۆا كەلگەن قوناقتارعا، وسكەلەڭ ۇرپاققا ايتقان دانا سوزدەرىمەن، ومىرلىك ىس-تاجىريبەلەرىمەن بولىسكەنى ءۇشىن العىسىن ءبىلدىرىپ، ەستەلىككە سىي-سياپات بەردى.
التىنگۇل ەرمەكبايەۆا، س.جيەنبايەۆ اتىنداعى وبلىستىق جاسوسپىرىمدەر كىتاپحاناسىنىڭ ءبولىم مەڭگەرۋشىسى.
اقتوبە قالاسى.
