Ónegeli otbasy – qoǵam bailyǵy
Atalmysh merekeniń mańyzdylyǵyn eskere otbasy qundylyqtaryn nasihattap, ata-ana men bala arasynda izgi qarym-qatynastyń ornaýyna yqpal etý maqsatynda S.Jienbaev atyndaǵy oblystyq jasóspirimder kitaphanasynda jyl saiynǵy dástúr boiynsha «Ónegeli otbasy – qoǵam bailyǵy» atty kezdesý keshi ótkizildi. Keshke zeinetker Jaqsylyq Istileýov pen jubaiy kitaphana salasynyń ardageri – Aisara Aitýǵanova, sondai-aq óńirimizdegi ómir men óner áleminde qatar júrgen T.Ahtanov atyndaǵy oblystyq drama teatrynyń kórkemdik jetekshisi, akter Serjan Amanqulov jubaiy aktrisasy – Maigúl Muzbaeva qatysty.
«Otan otbasynan bastalady» degen dana sóz bar. Ata-ananyń bir birine qarym qatynasy, júris turysy, sóileý mádenieti barlyq is-qimyldary balanyń boiyna tárbie bolyp qalyptasady. «Kún saiyn erteden keshke deiin, otbasynda ata-ana, aǵaiyndary tarapynan bala aldynda minez-qulyqtyń san alýan úlgileri ótip jatady. Osynyń barlyǵyn jas bala boiyna sińirip ósedi. Al balanyń qoǵamǵa, ainalasyndaǵylarǵa qarym-qatynasynyń qalyptasýy, týǵan-týystaryna degen qatynasynan baiqalady. «Uiada ne kórseń, ushqanda sony ilersiń» degen ata-babamyzdan qalǵan asyl sóz tekke aitylmaǵan.
Bala tárbiesi-ortaq is. Sondyqtan kitaphanada ótken shara barysynda qonaqtarjastarmen oi bólisip, ónegeli áńgimeler aitty. Jastar jaǵy otbasyndaǵy atmosferanyń bala tárbiesine áseri qandai? Qazirgi zaman talabyna sai balanyń tárbieleý, ajyrasýdyń balaǵa tietin zardaby syndy mańyzdy taqyryptar jan-jaqty talqylandy.
Kitaphana direktorynyń orynbasary Úrjan Kýdasova kelgen qonaqtarǵa, óskeleń urpaqqa aitqan dana sózderimen, ómirlik is-tájiribelerimen bóliskeni úshin alǵysyn bildirip, estelikke syi-siiapat berdi.
Altyngúl Ermekbaeva, S.Jienbaev atyndaǵy oblystyq jasóspirimder kitaphanasynyń bólim meńgerýshisi.
Aqtóbe qalasy.
