ٸشكٸ ٸستەر مينيسترلٸگٸ "زاڭ جەنە تەرتٸپ" قاعيداتى اياسىندا ەسٸرتكٸ قىلمىسىنا قارسى ٸرٸ جەدەل-پروفيلاكتيكالىق شارا جٷرگٸزۋدە. "قاراسورا-2025" وپەراتسيياسىنىڭ باستى ماقساتى – ەسٸرتكٸ ٶسٸمدٸكتەرٸنٸڭ تابيعي وشاقتارى مەن جاسىرىن ەگٸستٸكتەرٸن جويۋ, زەرتحانالاردىڭ قىزمەتٸن توقتاتۋ جەنە ۇيىمداسقان قىلمىستىق توپتاردىڭ جولىن كەسۋ, دەپ حابارلايدى Dalanews.kz.
ناۋقانعا ٸٸم-نٸڭ ارنايى جاساقتارى مەن ۇلتتىق ۇلان ساربازدارى تارتىلدى. جەدەل ەرەكەتتەردە ۇشقىشسىز ۇشۋ اپپاراتتارى مەن تٸكۇشاقتار قولدانىلىپ, ٷش اي ٸشٸندە 40 ەۋە رەيدٸ جاسالدى. سونىڭ نەتيجەسٸندە:
-
20 ەسٸرتكٸ القابى انىقتالدى;
-
5 مىڭنان استام ٶسٸمدٸك جويىلدى;
-
1 توننادان ارتىق زاڭسىز ٶنٸم تەركٸلەندٸ.
ٶڭٸرلەر بويىنشا دا اۋقىمدى نەتيجەلەر بار. مەسەلەن, ۇلىتاۋ وبلىسىندا وڭتٷستٸكتەن ەسٸرتكٸ جەتكٸزۋمەن اينالىسقان قىلمىستىق توپ قۇرىقتالىپ, ودان 103 كەلٸ ماريحۋانا مەن قارۋ-جاراق تابىلدى. جامبىلدا 206 كەلٸ ەسٸرتكٸ دايىنداعان ەكٸ ازامات ۇستالدى. بقو-دا جىلىجايدان 135 كەلٸ قاراسورا, تٷركٸستاندا 650 كەلٸدەن استام قاراسورا مەن 48 كەلٸ كٶكنەر الىندى. ال جەزقازعان مەن سەتباەۆ قالالارىندا زاڭسىز تاسىمالدانعان 43 توننا كٶكنەر انىقتالدى.
"قاراسورا-2025" اياسىندا:
-
677 قىلمىستىق ٸس تٸركەلدٸ (ونىڭ ٸشٸندە 242 – ساتۋ, 220 – زاڭسىز ەگٸس);
-
2 توننا ماريحۋانا, 47 كەلٸ گاشيش, 3 توننا قاراسورا, 155 كەلٸ سينتەتيكا جەنە 8,5 توننا پرەكۋرسور تەركٸلەندٸ;
-
27 مىڭنان استام ٶسٸمدٸك جويىلدى;
-
9 زەرتحانا مەن 3 ۇيىمداسقان توپتىڭ قىزمەتٸ توقتاتىلدى (سونىڭ ٸشٸندە بٸرەۋٸ ترانسۇلتتىق).
