ەلباسىنىڭ 2018 جىلدىڭ 5 قازانىنداعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا ارناعان جولداۋىن تالقىلاۋ ماقساتىمەن كەلگەن ۆيسە-پرەمەر اۋدانداعى «DALA-FRUIT.KZ» ج ش س مەن «Nurym Group» جشس-ندە بولىپ، ونداعى شارۋاشىلىقتىڭ بۇگىنگى جاي-كۇيىمەن تانىستى.
ەڭ الدىمەن، «DALA-FRUIT.KZ» ءجشس-نىڭ قارقىندى باۋ شارۋاشىلىعىنداعى ءبىرشاما جەتىستىكتەرگە كۋا بولعان ءو.شوكەيەۆ وبلىستا جەمىس-جيدەك، ءجۇزىم شارۋاشىلىعىنىڭ ەگىس كولەمىن ۇلعايتۋ، گەكتار تۇسىمدىلىگىن ارتتىرۋ ماسەلەسى بارلىق ۋاقىتتا كۇن تارتىبىنەن تۇسپەي، ءاردايىم دامىپ كەلە جاتقانىنان حاباردار بولدى.
ايتا كەتسەك، قارقىندى باۋ شارۋاشىلىعىن مەملەكەتتىك قولداۋدىڭ ارقاسىندا، جەمىس-جيدەك داقىلدارى مەن ءجۇزىمنىڭ كوپجىلدىق ەكپەلەرىنىڭ كولەمى جىلدان-جىلعا ۇلعايۋدا. سونىمەن قاتار، باۋ ارالىق اگروتەحنولوگيالاردى جۇرگىزۋ ءۇشىن قاجەتتى تەحنيكالارعا جانە ساتىلىپ الىنعان شەتەلدىك، وتاندىق كوشەتتەرگە سۋبسيديا تولەنۋدە. بۇل كومەكتەر تاۋار وندىرۋشىلەردىڭ قارقىندى باۋ ەگۋگە دەگەن قىزىعۋشىلىعىن ارتتىرىپ، اعىمداعى جىلى 0،9 مىڭ گا جەمىس، 0،4 مىڭ گا ءجۇزىم، 0،2 مىڭ گا جاڭعاق، 0،1 مىڭ گا تاڭقۋراي ەگىلدى.
Dalanews.kz
