پرەمەر-مينيستر ولجاس بەكتەنوۆ مەملەكەت باسشىسىنىڭ بيىلعى 28 قاڭتاردا وتكەن ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىن ىسكە اسىرۋ ماسەلەلەرى بويىنشا كەڭەس وتكىزدى، دەپ حابارلايدى Dalanews.kz.
پرەمەر-مينيستردىڭ ورىنباسارلارى، مينيسترلەر مەن ءبىرقاتار ۇيىم باسشىلىعى ەكونوميكا سالالارىنىڭ ءوسۋىن قامتاماسىز ەتۋ، ينۆەستورلار ءۇشىن زاڭنامالىق جاعدايلاردى جەتىلدىرۋ، سيرەك جەر مەتالدارى ءوندىرىسىن دامىتۋ، يادرولىق كلاستەر قۇرۋ، جەر قويناۋىن پايدالانۋ سالاسىن رەفورمالاۋ، جول جانە كولىك-لوگيستيكالىق، ينجەنەرلىك ينفراقۇرىلىمدى جاڭعىرتۋ، «زاڭ جانە ءتارتىپ» قاعيداتىن قامتاماسىز ەتۋ، سيفرلىق شەشىمدەر مەن جاساندى ينتەللەكت ەنگىزۋ، ءبىلىم بەرۋ جانە مەديسينالىق قىزمەتتەر ساپاسىن ودان ءارى ارتتىرۋ جونىندەگى جوسپارلار تۋرالى باياندادى.
پرەمەر-مينيستر الداعى كەزەڭدەگى جۇمىستىڭ باستى باعىتى ازاماتتاردىڭ تۇرمىس ساپاسىن جاقسارتۋعا باعىتتالعان ەكونوميكانىڭ ءوسۋىن قامتاماسىز ەتۋ ەكەنىن اتاپ ءوتتى. ۇكىمەت بارلىق باعىت بويىنشا جەدەل شەشىمدەر قابىلداپ، پرەزيدەنت تاپسىرمالارىنىڭ ۋاقتىلى ىسكە اسىرىلۋىن قامتاماسىز ەتەدى.
«ءبىز ينۆەستيسيالاردى تارتۋ، سالىق-بيۋدجەت ساياساتىن جانە جەر قويناۋىن پايدالانۋ سالاسىن رەفورمالاۋ، ەلىمىزدىڭ باسەكەلەستىك ارتىقشىلىقتارىن كۇشەيتۋ، ىسكەرلىك احۋالدى جاقسارتۋ، ينفراقۇرىلىمدىق جانە ەنەرگەتيكالىق دامۋ، سيفرلاندىرۋدىڭ تۇتاس جۇيەسىن جانە حالىقتى الەۋمەتتىك قامسىزداندىرۋ جۇيەسىن قايتا قاراۋ باعىتىندا بەلسەندى جۇمىس ىستەۋىمىز كەرەك. ول ءۇشىن ۇكىمەتتە وكىلەتتىكتەر جەتكىلىكتى. مينيسترلەر مەن اكىمدەر جەدەل شەشىمدەر قابىلداۋعا جانە قويىلعان مىندەتتەردى ىسكە اسىرۋعا تولىق جاۋاپتى بولۋعا ءتيىس. مەملەكەت باسشىسى كەشە ايتقان ءاربىر باعىت بويىنشا ناقتى ناتيجە، ورتالىقتا دا، جەرگىلىكتى جەرلەردە دە ءاربىر باسشىنىڭ ءتيىمدى جۇمىسى قاجەت. ينۆەستورلاردىڭ ناقتى ماسەلەلەرىن شەشۋمەن اينالىسىپ، اۋرە-سارساڭعا سالماي، كەرىسىنشە – كاسىپكەرلەردىڭ كەلۋىنە، دامۋىنا، زاۋىتتار، كاسىپورىندار، وندىرىستەر سالۋىنا كومەكتەسۋ كەرەك. ءاربىر باسشى مۇنى ءوز جۇمىسىنىڭ باستى قاعيداتى دەپ ءبىلۋى ءتيىس. تەك ناقتى جۇمىس قاجەت. ەسكى، بيۋروكراتيالىق جۇمىس ادىستەرىن، ءفورماليزمدى قولدانا وتىرىپ، جاڭا جاعدايلاردا وڭ ناتيجەگە قول جەتكىزۋ مۇمكىن ەمەس. مەملەكەتتىك ورگاندارعا مەملەكەت باسشىسى جۇكتەگەن مىندەتتەردى ساپالى ورىنداۋعا كوڭىل ءبولۋدى، باسى ارتىق قازاعازباستىلىقسىز جانە كوپكە سوزباي باتىل شارالار قابىلداۋدى تاپسىرامىن. ءبىزدىڭ بارىمىزدەن ناقتى ناتيجە كۇتىپ وتىر»، — دەپ اتاپ ءوتتى ولجاس بەكتەنوۆ.
پرەمەر-مينيستر بيۋدجەتتىك ءتارتىپتى قاتاڭ نىعايتۋعا جانە مەملەكەتتىك بيۋدجەتتى باسىم باعىتتار بويىنشا تەڭگەرىمدى بولۋگە باسا نازار اۋدارا وتىرىپ، جۇمىستىڭ ءبىرىنشى كەزەكتەگى ءبىرقاتار باعىتىنا نازار اۋداردى.
