قازاقستان پرەمەر-مينيسترٸ ولجاس بەكتەنوۆتٸڭ تٶراعالىعىمەن «بەيتەرەك» ۇلتتىق باسقارۋشى حولدينگٸ» اق ديرەكتورلار كەڭەسٸنٸڭ وتىرىسى ٶتتٸ.
ٷكٸمەت باسشىسىنا حولدينگتٸڭ ينۆەستيتسييالىق جەنە قارجىلىق قىزمەتٸنٸڭ, ونىڭ ەنشٸلەس قۇرىلىمدارىنىڭ نەتيجەلەرٸ جەنە مەملەكەتتٸك باعدارلامالاردى ٸسكە اسىرۋ شەڭبەرٸندە وتاندىق تاۋار ٶندٸرۋشٸلەردٸ قولداۋدىڭ جاڭا قۇرالدارىن ەنگٸزۋ بويىنشا جٷرگٸزٸپ جاتقان جۇمىستارى تۋرالى اقپارات بەرٸلدٸ.
«بەيتەرەك» ۇبح باسقارما تٶراعاسى رۋستام قاراعويشين ازىق-تٷلٸك ٶنەركەسٸبٸ كەسٸپورىندارىنىڭ اينالىم كاپيتالىن قارجىلاندىرۋ باعدارلاماسىن ەزٸرلەۋ بارىسى تۋرالى باياندادى, ونىڭ اياسىندا وتاندىق تاۋار ٶندٸرۋشٸلەرگە اٶك-دەگٸ ٶڭدەۋشٸلەرگە تاۋارلىق نەسيە بەرۋ جەنە فاكتورينگ سيياقتى قىسقامەرزٸمدٸ ساۋدا قارجىلاندىرۋ قۇرالدارى ۇسىنىلادى. بۇل شارالار جۇمىس ٸستەپ تۇرعان ٶندٸرٸستەردٸڭ اينالىم كاپيتالىن كٶبەيتۋگە مٷمكٸندٸك بەرەدٸ ەرٸ جاڭا كەسٸپورىندار اشۋعا جاعداي جاسايدى.
حولدينگتٸڭ ەنشٸلەس قۇرىلىمى – «اگرارلىق نەسيە كورپوراتسيياسى» اق ٶسٸمدٸك شارۋاشىلىعىن قولداۋعا باعىتتالعان «سىياقى مٶلشەرلەمەسٸن بٶلۋ» پيلوتتىق جوباسىن ٸسكە قوستى. شارۋالارعا جەڭٸلدٸكپەن قارجى بەرٸلەدٸ, بۇل رەتتە مٶلشەرلەمە بيۋدجەت قاراجاتى ەمەس, تاۋار جەتكٸزۋشٸلەر ەسەبٸنەن سۋبسيدييالانادى. «FOODGRAIN» جشس وڭ نەتيجە وڭ كٶرسەتسە, جوبانىڭ ەل بويىنشا تارالۋ اۋقىمىن كەڭەيتۋ جوسپارلانۋدا.
قۇرىلىس ماتەريالدارىنىڭ وتاندىق ونلاين پلاتفورماسىن material.kz تاۋار بيرجالارىمەن ينتەگراتسييالاۋ مەسەلەسٸ پىسىقتالۋدا, بۇل قۇرىلىس ماتەريالدارى نارىعىندا باعا بەلگٸلەۋدٸڭ اشىقتىعىن ارتتىرۋعا مٷمكٸندٸك بەرەدٸ. پلاتفورمادا 217 وتاندىق قۇرىلىس ماتەريالدارىن ٶندٸرۋشٸ مەن جەتكٸزۋشٸ تٸركەلگەن, 614 تاۋار ساناتى ورنالاستىرىلعان.
«بەيتەرەك» ۇبح تاراپىنان كٶرسەتٸلەتٸن بيزنەستٸ قولداۋ شارالارى شەڭبەرٸندە قارجىلاندىرۋ سوماسىنىڭ كەمٸندە 30% مٶلشەرٸندە وتاندىق تاۋارلار مەن قىزمەتتەردٸ ساتىپ الۋ نەگٸزگٸ ٶلشەم بولىپ سانالاتىن جوبالاردا ەل ٸشٸندەگٸ قۇندىلىقتى ساقتاۋ بويىنشا ٶزارا مٸندەتتەمەلەر قاراستىرىلعان. ٷكٸمەت باسشىسى ولجاس بەكتەنوۆ بۇل شەكتٸ كٶرسەتكٸشتٸ ارتتىرۋ ماقساتىندا قايتا قاراۋدى تاپسىردى.
«جاقىندا مەن ٷكٸمەت وتىرىسىندا ەكونوميكالىق پاتريوتيزم ساياساتىن ۇستاناتىنىمىزدى ايتتىم. مەملەكەتتٸك دامۋ ينستيتۋتتارى ەسەبٸنەن قارجىلاندىرىلاتىن جوبالارداعى ەلٸشٸلٸك قۇندىلىقتىڭ ٷلەسٸ ەدەۋٸر جوعارى بولۋعا تيٸس. ەربٸر جوبانى تالداپ, مەملەكەتتٸك قولداۋ الۋشىلارعا تەك قانا قازاقستاندىق ٶندٸرٸستٸڭ جابدىقتارىن, ماتەريالدارىن, باسقا دا تاۋارلارىن ساتىپ الۋ بويىنشا مٸندەتتەمەلەر قويۋ قاجەت», — دەپ اتاپ ٶتتٸ ولجاس بەكتەنوۆ.
ٷكٸمەت باسشىسى حولدينگ باسشىلىعىنا جەنە بەيٸندٸ مينيسترلٸكتەرگە وتاندىق تاۋار ٶندٸرۋشٸلەردٸ قولداۋدىڭ قولدانىستاعى قۇرالدارىنىڭ تيٸمدٸلٸگٸن ارتتىرۋدى, ولار تۋرالى بيزنەستٸ اقپاراتتاندىرۋ جٶنٸندەگٸ جۇمىستى كٷشەيتۋدٸ تاپسىردى.
كەڭەس قورىتىندىسى بويىنشا «بەيتەرەك» ۇبح اق-نىڭ 2023 جىلعى جىلدىق ەسەبٸ, 2014-2023 جىلدارعا ارنالعان دامۋ جوسپارىنىڭ ورىندالۋى جٶنٸندەگٸ ەسەبٸ جەنە باسقا دا بٸرقاتار قۇجاتتار بەكٸتٸلدٸ.
انىقتاما: «بەيتەرەك» ۇبح قۇرىلىمدىق بٶلٸمشەلەرٸ بٸر جارىم جىل ٸشٸندە وتاندىق ٶندٸرۋشٸلەرگە 1,2 ترلن تەڭگەگە قولداۋ كٶرسەتتٸ. ليزينگتٸك قارجىلاندىرۋ اياسىندا قازاقستاندىق 27 ٶندٸرۋشٸگە قولداۋ كٶرسەتٸلٸپ, 677,5 ملرد تەڭگەگە 22 مىڭعا جۋىق كٶلٸك تەحنيكاسى ساتىلدى. قازاقستاننىڭ دامۋ بانكٸ جەلٸسٸ بويىنشا تاۋارلاردى, جۇمىستار مەن قىزمەتتەردٸ ساتىپ الۋدىڭ جالپى كٶلەمٸ 181,2 ملرد تەڭگەنٸ قۇرادى, ونىڭ ٸشٸندە وتاندىق ٶندٸرۋشٸلەردٸڭ ٷلەسٸ – 106,3 ملرد تەڭگە. ەكسپورتتىق-كرەديتتٸك اگەنتتٸكتٸڭ قابىلدانعان مٸندەتتەمەلەرٸنٸڭ كٶلەمٸ 466,9 ملرد تەڭگەنٸ, ەكسپورتتىق تٷسٸم – 860 ملرد تەڭگەنٸ قۇرادى. «Qazaqstan Investment Corporation» اق 26 ملرد تەڭگەگە 9 جوباعا قولداۋ كٶرسەتتٸ.
