قازاقستان پرەمەر-مينيسترٸ ولجاس بەكتەنوۆ 19 قاڭتار مەن 1 اقپان ارالىعىندا كانۆوندودا (كورەيا رەسپۋبليكاسى) ٶتكەن IV قىسقى جاسٶسپٸرٸمدەر وليمپياداسىنىڭ جەڭٸمپازدارى مەن جٷلدەگەرلەرٸنە مەملەكەت باسشىسىنىڭ اتىنان العىس حاتتار تابىس ەتتٸ, دەپ حابارلايدى Dalanews.kz.
ٷكٸمەت باسشىسى قر پرەزيدەنتٸ قاسىم-جومارت توقاەۆتىڭ العىس حاتىن وقىپ بەرٸپ, سپورتشىلاردى قول جەتكٸزگەن نەتيجەلەرٸمەن قۇتتىقتادى. پرەمەر-مينيستر بۇل قازاقستاننىڭ جاستار اراسىنداعى قىسقى وليمپيادا ويىندارى تاريحىنداعى العاشقى التىنى ەكەنٸن اتاپ ٶتتٸ. جالپى مەدال سانى بويىنشا قازاقستان ەلەمنٸڭ 78 ەلٸ اراسىندا 20-شى ورىندى يەلەندٸ.
"سپورت – ەلدٸڭ مەرتەبەسٸن بيٸكتەتٸپ, مەملەكەتتٸڭ قۋاتى مەن ٶسٸپ كەلە جاتقان ەلەۋەتٸنە دەگەن ادامداردىڭ سەنٸمٸن نىعايتا تٷسەتٸن ماڭىزدى فاكتور. قازاقستاندىقتار سٸزدەردٸڭ جەڭٸستەرٸڭٸزدٸ ماقتان تۇتادى. ٶزدەرٸڭٸز سيياقتى ەرٸك-جٸگەرٸ مىقتى جاس سپورتشىلاردىڭ ەلٸمٸزدٸڭ بولاشاعى ەكەنٸنە كەمٸل سەنەمٸن. جەڭٸس جولىندا قولداۋ كٶرسەتكەن تەلٸمگەرلەر مەن جاتتىقتىرۋشىلار ەرەكشە العىسقا لايىق. بٷگٸنگٸ باعىندىرعان بيٸك بەلەستەر الداعى وليمپيادالارداعى جەتٸستٸكتەردٸڭ باستاۋى دەۋگە بولادى", — دەدٸ ولجاس بەكتەنوۆ.
شاڭعىمەن تۇعىردان سەكٸرۋ بويىنشا IV قىسقى جاسٶسپٸرٸمدەر وليمپياداسىنىڭ جەڭٸمپازى يليا ميزەرنىح پەن ونىڭ جاتتىقتىرۋشىسى قايرات بيەكەنوۆكە العىس حاتتار تابىس ەتٸلدٸ.
سونىمەن قاتار شايبالى حوككەي بويىنشا قولا جٷلدە ولجالاعان ارسەنيي كۋچكوۆسكيي, نيكيتا كۋلاكوۆ, تەمٸرلان ايبولۇلى, ماتۆەي رەشەتكو, راسۋل تۇرسىنوۆ, جاھانگەر تٸلەۋحان, تاير بيگارينوۆ, ەگور كراۆچەنكو, رومان ميچۋروۆ, ەدٸلحان ساتتار, ەنۋار احمەتجانوۆ جەنە كوماندانى جاتتىقتىرۋشى رامازان قايداروۆتىڭ دا ەڭبەكتەرٸ اتالىپ ٶتٸلدٸ.
ويىندار جەڭٸمپازى يليا ميزەرنىح بارلىق سپورتشىنىڭ اتىنان العىس بٸلدٸرٸپ, دايىندىق كەزٸندە قۇرامانىڭ جاتتىقتىرۋشىلار قويعان مٸندەتتەردٸ بارلىق كٷش-جٸگەرٸن سالىپ ورىنداعانىن ايتتى.
"التىن مەدال – مەنٸڭ عانا جەڭٸسٸم ەمەس, بۇل بٷكٸل كوماندا مەن جاتتىقتىرۋشىلار قۇرامىنىڭ جۇمىسىنىڭ نەتيجەسٸ. ەلٸمٸزدٸڭ پرەزيدەنتٸ قاسىم-جومارت كەمەلۇلى توقاەۆتىڭ قۇتتىقتاۋىن ەستٸپ, تٶبەم كٶككە جەتكەندەي بولدى. ول ماعان جەنە باسقا قازاقستاندىق سپورتشىلارعا دا جاڭا جەڭٸستەر تٸلەدٸ. بۇل بٸزدٸ ودان ەرٸ شابىتتاندىرا تٷسەدٸ. شالعايدا جٷرسەك تە, بٸز ٷلكەن قولداۋدى سەزٸندٸك, بۇل – بٸزدٸڭ ورتاق جەڭٸسٸمٸز! العا, قازاقستان!", — دەدٸ ول.
