ال, كٷنٸ كەشەگٸ الماتىدا ٶتكەن, توقاەۆتىڭ حاتى وقىلعان استان كەيٸن «زامانبەكتٸڭ ٸسٸ قايتا كٶتەرٸلۋٸ مٷمكٸن» دەگەن سىبىس تارادى.
ساياساتكەر بولات ەبٸلوۆتٸڭ «گيپەربورەي» ارناسىنا بەرگەن سۇقباتىندا (№390) وسى احۋال جايىندا بىلاي دەيدٸ:
«مەنٸڭشە, توقاەۆ وسى ٸسكە قاتىستى تاپسىرما بەرەدٸ. مەن زامانبەكتٸڭ ۇلى قايراتپەن تىعىز بايلانىستامىن, جاقسى ارالاسامىن. ونىڭ بۇل شارۋانى قايتادان قولعا العانىنا قولداۋ بٸلدٸردٸم. ەگەر بٸزدٸڭ تاراپىمىزدان قانداي دا بٸر كٶمەك كەرەك بولسا, ەركەز دايىن ەكەنٸمٸزدٸ ايتتىم. ەكٸ جىل بۇرىن ونىڭ بەتٸن قايتارىپ تاستادى. بۇل ۋاقىتشا عانا. ونىڭ ٶز-ٶزٸن ٶلتٸردٸ دەگەن نۇسقا بۇرىنعى بيلٸككە قاجەت بولدى.
سۋيتسيد دەگەنگە سول كەزدە ەشكٸم سەنبەسە دە, رەسمي مەلٸمدەمەدە سولاي ايتىلدى. زامانبەك قالابايۇلىمەن كٶزٸ تٸرٸسٸندە دە وقيعا بولعان بٶلمەدە تالاي سۇقباتتاسقانبىز. ەلٸ كٶز الدىمدا, بيليارد ٷستەلٸ بار ول بٶلمەدە. تٸپتٸ ول «تەرميناتور» بولسا دا, ٶزٸن ەكٸ جەردەن اتىپ, كەيٸن باسىنا وق اتۋ ەش مٷمكٸن ەمەس.
ول بٶلمەدە زامانبەكتٸڭ وتىراتىن كرەسلوسى بولدى. ول ٶزٸنە كەلگەن قوناقتاردى سول ورىندا وتىرىپ قابىلدايتىن».
سپيكەر زامانبەكتٸڭ ٶز-ٶزٸنە قول سالعانى تۋرالى تەرگەۋ نۇسقاسى ەش اقىلعا سىيمايتىنىن دا اتاپ ٶتەدٸ.
«مۇنىڭ تٷپتٸڭ-تٷبٸندە قايتا قوزعالاتىنىنا بٸز سەندٸك. وعان تەك ۋاقىت قاجەت. مٸنە, سول ۋاقىت جەتكەن سيياقتى», - دەگەن وپپوزيتسييالىق «اقجول» پارتيياسىنىڭ بۇرىنعى تەڭ تٶراعاسى, بەلگٸلٸ كەسٸپكەر.
ول بەلگٸلٸ ساياساتكەر التىنبەك سەرسەنباەۆتىڭ كٸسٸ قولىنان قازا تابۋى ەلٸ كٷنگە دەيٸن شىنايى تەرگەلدٸ دەۋگە كەلمەيتٸنٸن دە ايتادى. 2006 جىلدىڭ 11 اقپانىندا سەرسەنباەۆ كٸسٸ قولىنان قازا تاپتى. زامانبەك نۇرقادٸلوۆ قازاسىنىڭ اق-قاراسىن انىقتاتپاي قويمايمىن دەپ بەكٸنگەن ساياساتكەردٸڭ نە ٷشٸن ٶلتٸرٸلگەنٸ انىق.
«ەرينە, تەرگەۋ تولىق جٷرگٸزٸلگەن جوق. ونىڭ قورىتىندىسى الدىن الا دايىندالىپ قويدى. كٸسٸ ٶلتٸرگەندەردٸڭ بٸرەۋٸن عانا تاپتى, باگيموۆ دەگەن بٸرەۋدٸ. تاپسىرىس بەرۋشٸنٸ دە انىقتادى - ەرجان ٶتەمباەۆ دەگەن. ونى مەن دە تانيتىن ەدٸم. ول ٶزٸمەن-ٶزٸ جٷرگەن, ەشكٸمنەن التى الاسى, بەس بەرەسٸ جوق, اراققا سالىنعان ادام.
ونىڭ التىنبەكتٸ «ساباسىنا تٷسٸرگٸم كەلدٸ» دەگەن جاۋابىنىڭ ٶزٸ كٷلكٸلٸ. مۇنى ارنايى قىزمەت جوعارىدان كەلگەن تاپسىرما بويىنشا ۇيىمداستىرعانى سٶزسٸز. شىن تاپسىرىس بەرۋشٸنٸڭ اتى اتالماعانى, ٸس ەدٸل جٷرگٸزٸلمەگەنٸ التى جاسار بالاعا دا تٷسٸنٸكتٸ», - دەدٸ بولات ەبٸلوۆ.
ەڭگٸمە بارىسىندا سپيكەر سوتتا سٶز بولعان دەرەكتەردٸ دە ەسكە سالدى.
«مۇنداي اقپارات قايدان سوتقا جەتكەنٸن بٸلمەيمٸن, بٸز دە تاڭ قالدىق. تاپسىرىستى ورىنداعان يبراگيموۆ (قىلمىس ەلەمٸنە كەتكەن بۇرىنعى پوليتسييا قىزمەتكەرٸ) وقيعا بولاتىن 11 اقپاننان بٸراز كٷن بۇرىن ۇلتتىق قاۋٸپسٸزدٸك كوميتەتٸنٸڭ پودپولكوۆنيگٸ بولاتپەن ۇيالى تەلەفون ارقىلى كٷنٸنە 15-18 رەت سٶيلەسٸپ وتىرعان.
ۇقك پودپولكوۆنيگٸ! بٸرٸ كيللەر, ەكٸنشٸسٸ ۇلتتىق قاۋٸپسٸزدٸك, ەكەۋٸنە ورتاق قانداي ەڭگٸمە بولۋى مٷمكٸن? ياعني, پودپولكوۆنيك كيللەرمەن بايلانىستا وتىرعان, وعان وقيعا بولاتىن كٷنٸ ا.سەرسەنباەۆتىڭ بٷكٸل مارشرۋتىن ايتىپ, حابارلاعان: «التىنبەك وفيستەن شىقتى, مەدەۋگە 5 شاقىرىم جەتپەي (سول ماڭدا التىنبەك شاعىن ٷي جالداپ تۇراتىن) «كٷتٸپ» الاسىڭ دەپ. مەنٸڭشە, بۇل بٸر عانا ادامعا كەرەك بولدى. كوماندانى بەرگەن سول كٸسٸ. سەبەبٸ ودان باسقا بۇل ٸس ەشكٸمگە كەرەك ەمەس.
بٸرەۋلەر مۇنى ٸستەگەن راحات (ەليەۆ), تاعى باسقا نۇسقالاردى ايتادى. مەنٸڭ ويىمشا, بۇل راحاتتىڭ دەڭگەيٸ ەمەس.
يە, راحات وڭباعان ادام, تٷرلٸ قيتۇرقىلىقتارعا باردى. نۇربانك مەنەدجەرلەرٸنٸڭ كٶزٸن قۇرتتى, ت.ب. بٸراق, قايتالاپ ايتامىن, التىنبەك پەن زامانبەكتٸ ٶلتٸرۋگە ونىڭ تەۋەكەلٸ جەتپەيدٸ. ەكٸ ازامات تا ونىڭ وينايتىن ادامدارى ەمەس. نۇرقادٸلوۆ ٸسٸ قايتا تەرگەلەتٸن بولسا, وندا التىنبەك سەرسەنباەۆتىڭ ٸسٸ دە قايتا كٶتەرٸلەدٸ دەپ ويلايمىن», - دەيدٸ بولاتەبٸلوۆ.
