پرەزيدەنتتىڭ ايتۋىنشا، بۇگىندە ءتۇرعىن-ۇي (كوپ قاباتتى ۇيلەر -اۆت.) قۇرىلىسىنا ارنالعان ءبىرقاتار مەملەكەتتىك باعدارلامالارلىڭ قولعا الىنعانىنا قاراماستان xالىقتىڭ باسپاناعا دەگەن مۇقتاجدىعى جوعارى بولىپ تۇر.
– ءبىز اتالعان پروبلەمانى شەشۋدىڭ جاڭا جولىن ۇسىنا الامىز. وسىعان وراي، ۇكىمەتكە تۇرعىن ءۇي قۇرىلىسى بويىنشا «نۇرلى جەر» اتتى ءبىرىڭعاي باعدارلامانى ازىرلەۋدى تاپسىرامىن. بۇعان دەيىن «نۇرلى جول» بولسا، ەندى "نۇرلى جەر" بولادى. وعان قازىرگى باعدارلامالاردىڭ تەتىكتەرىن (يپوتەكا، جالعا الۋ، تۇرعىن ءۇي جيناقتارى - اۆت.) ەنگىزۋ كەرەك. جاڭا باعدارلامادا جەكە ءتۇرعىن-ۇي سالۋعا باسىمدىق بەرۋ كەرەك»، – دەپ اتاپ كورسەتتى ن.نازاربايەۆ.
مەملەكەت باسشىسى ءاربىر ازاماتقا 10 سوتىق جەر تيەسىلى ەكەنىن جەتكىزدى. الايدا ول جەردى بەرۋ ينجەنەرلىك كوممۋنيكاسيالار بولۋى شارت. ونداي جەردە جارىق، ەلەكتر ەنەرگيا مەن سۋ قۇبىرلارى تارتىلۋى قاجەت.
– سوندىقتان الدىمەن ينجەنەرلىك-الەۋمەتتىك ينفراقۇرىلىمدى جاساپ بەرۋ كەرەك. سول كەزدە جەكە ءۇيدى سالاتىنداردىڭ شىعىندارى ازايادى. دەمەك، ءبىز جەكە باسپاناعا كەتەتىن شىعىنداردىڭ 30 پايىزىن ءوز موينىمىزعا الىپ وتىرمىز، – دەدى پرەزيدەنت.
ن.نازاربايەۆتىڭ ايتۋىنشا، ينجەنەرلىك ينفراقۇرىلىمعا كەتەتىن شىعىنداردى قايتارۋ مەxءانيزمىن دە ازىرلەپ قويۋ قاجەت. ال قالالاردىڭ اۋماعىنا كىرەتىن بوس جەرلەر مەملەكەت مەنشىگىنە قايتارىلۋى شارت. سونىڭ ەسەبىنەن قازاقتاندىقتارعا قالاعا جاقىن 10 سوتىق جەرلەردى بەرۋ كوزدەلىپ وتىر. ونداي جەر ۋچاسكەلەرىنە ينجەنەرلىك جەلىلەردى تارتۋ جۇمىسى دا ارزانعا تۇسەدى.
ايتا كەتەيىك، 10 سوتىق بەرۋ ماسەلەسى جەر رەفورماسى بويىنشا قوعامدىق كوميسسيانىڭ وتىرىستارىندا كوتەرىلگەن بولاتىن. سەبەبى كوميسسيانىڭ اىنا تۇسكەن ارىز-شاعىمداردىڭ باسىم بولىگى جەكە تۇرعىن ءۇي قۇرىلىسىنا بايلانىستى بولدى. بۇگىندە اتالعان ماسەلە "نۇرلى جەر" مەملەكەتتىك باعدارالاماسى رەتىندە قولعا الىنىپ وتىر.
ارمان اسقاروۆ
