شەرزات بولاتتىڭ قازاسىنان كەيٸنگٸ كٷدٸك پەن كٷمەندٸ تۇسى كٶپ تاعى بٸر جايت - نۇرعانات عايىپباەۆتىڭ ٶلٸمٸ. ەزٸرگە قۇزىرلى ورگاندار بۇل جايتقا قاتىستى ٷنسٸز, بۇعان دەيٸن تەرگەۋ جٷرگٸزٸلٸپ جاتقانىن مەلٸمدەدٸ. مارقۇمنىڭ ەپكەسٸ پەريزات نۇرىموۆا وسى جەنە ٶزگە دە وقيعالارعا بايلانىستى ٶز شىندىعىن ايتتى, دەپ حابارلايدى Dalanews.kz.
ول قارالى كٷن جايىندا ەڭگٸمەلەپ, نۇرعانات جازدى دەلٸنگەن حاتتىڭ استارىندا تٷسٸنٸكسٸز جايت كٶپ ەكەنٸن جەتكٸزدٸ.
"مامامدار نۇرعاناتتى جوعارى جاقتا ۇيىقتاپ جاتىر دەپ ويلاعان, مەن تٶمەنگە تٷسٸپ كەتتٸ دەپ ويلادىم. سول ارادا ەشكٸمگە بٸلدٸرتپەي كيٸنٸپ كەتٸپ قالعان. الدىن الا بٸلگەندە ەرەكەت جاسار ما ەدٸك. ٶزٸمٸز تاپپاي قالدىق. 34 جاسىما دەيٸن ەپكە دەپ كٶرمەگەن, دوسىنداي كٶرەتٸن, ارامىز 4-اق جاس, ودان 4 جاسقا ٷلكەنمٸن. حاتتا "ەپكە, سەن مەنٸ وسى ٶمٸردە بارلىق نەرسەگە ٷيرەتتٸڭ, دەمەۋشٸ بولىپ, كٶمەكتەسٸپ جٷردٸڭ" دەپ جازىلعان. "انام, امانات, بالالارىڭ ٷشٸن ٶمٸر سٷر" دەگەن. قوشتاسۋ بولىپ تۇر. بٸرٸنشٸدەن, ەشقاشان ولاي ۇزاق جازبايتىن. دىبىستىق حابارلاما نەمەسە اۋديو, ۆيدەوقوڭىراۋ ارقىلى شىعاتىن. قىسقا جازۋى مٷمكٸن. اناداي جەردە ۇزاق قىلىپ جازۋ ٷشٸن قانشا ۋاقىت دايىندالۋ كەرەك?!
مەنٸڭ ٶزٸمە كەلەتٸن بٸر كٷدٸك: بٸز بەس اعايىندىمىز عوي, تٶرتەۋٸمٸزگە عانا حابارلاما كەلەدٸ, كٸشكەنتاي سٸڭٸلٸمە حابارلاما كەلمەيدٸ. نەگە? بٸلمەيتٸن ادام سولاي جازدى. ٶيتكەنٸ بەس اعايىندى ەكەنٸمٸزدٸ ەندٸ بٸلٸپ جاتىر. بەسٸنشٸسٸ كٸم ەكەنٸن ەشكٸم بٸلمەيدٸ, اتىن اتامايمىز, تٷرٸن تٷستەپ كٶرسەتپەيمٸز. ول قىز - ستۋدەنت, سول ٷشٸن قورقامىز. بٸزسٸز دە دوستارىمەن جٷرەدٸ. باسقاسى بار. مەنٸڭ جەكە ويىم, مەن ٷشٸن كٷدٸكتٸ, ٶزٸ جازۋى مٷمكٸن ەمەس. ونى باسقا بٸرەۋ جازدى, بەس اعايىندى ەكەنٸمٸزدٸ بٸلمەيتٸن ادام جازدى, بەسٸنشٸسٸنٸڭ كٸم ەكەنٸن بٸلمەيتٸن ادام جازدى. ٶز-ٶزٸنە قول سالا المايدى. ونداي حابارلاما جازا المايدى", - دەدٸ پەريزات نۇرىموۆا Qazaq Airan-عا بەرگەن سۇحباتىندا.
ادۆوكات مەيٸرمان شەكەەۆ نۇرعانات عايىپباەۆتىڭ ٸسٸ قاي ساتىدا ەكەنٸن ايتتى.
"وسى وتباسىعا قاتىستى ٸستەردٸڭ بەرٸ مەنٸڭ ٶندٸرٸسٸمدە: قارجاۋبايعا, نۇرعاناتقا, ٷيگە قاتىستى ٸستەر. جاقىندا عانا تەرگەۋشٸ حابارلاستى. الدىندا ٸشكٸ ٸستەر مينيسترٸنٸڭ ورىنباسارى "بۇل ٸستەر ەلٸ جابىلعان جوق" دەدٸ. دەل سودان بٸر كٷننەن كەيٸن بە, تەرگەۋشٸ حابارلاسىپ, "نۇراعاناتتىڭ ٸسٸ قىسقارتىلدى" دەدٸ. مەن ول كەزدە تٷركييادا جٷرگەنمٸن. قازٸرگٸ تاڭدا نۇرعاناتتىڭ ٸسٸ بويىنشا جۇمابيكە حانىم جەبٸرلەنۋشٸ بولىپ تانىلادى. ول كٸسٸنٸڭ ٶكٸلٸ مەنمٸن. سول كٸسٸ كەلگەنٸن كٷتٸپ جٷرمٸن. كەلگەننەن كەيٸن بارىپ ٸسپەن تانىسىپ, پروتسەدۋالدىق كەمشٸلٸكتەر بولسا, شاعىم تٷسٸرەمٸز. بٸراق بٸزگە كەلگەن سوڭعى اقپارات بويىنشا ول ٸس قىسقارتىلعان", - دەدٸ ادۆوكات سۇحباتىندا.
سونىمەن قاتار, ادۆوكات ٷي ٶرتەنگەن وقيعا بويىنشا ٸس قالاي ٶربٸپ جاتقانىن باياندادى.
"ٷيدٸڭ مەسەلەسٸ بويىنشا ٸس جالعاسىپ جاتىر. سوڭعى ماعان بەرگەن اقپارات بويىنشا "رەسەي فەدەراتسيياسىنان سول كٷنگٸ سپۋتنيك تٷسٸرٸلٸمدەرٸن سۇراتقانبىز" دەگەن. مەنٸڭ پايىمداۋىمشا, ەلٸ كەلمەگەن. سوندىقتان ٸس ەلٸ جابىلعان جوق. مەنٸڭ تەجٸريبەمدە بٸرٸنشٸ رەت (رەسەيدەن سۇراتۋ - ەسك.). ٸس رەزونانستى بولعاننان كەيٸن سونداي جاساعان بولار", - دەدٸ مەيٸرمان شەككەۆ.
مەيٸرمان شەكەەۆ "سوتتان شىققان كەزدە "قاراقالپاق" دەپ ايعايلاعاندار جاۋاپقا تارتىلا ما?" دەگەن ساۋالعا جاۋاپ بەردٸ.
"ول بويىنشا ەكٸمشٸلٸك جازا قولدانىلدى. بٸر اتا-انا "قاراقالپاق" دەپ ايعايلاپ, شۋ كٶتەرگەنٸ ٷشٸن حاتتاما تولتىرىلدى", - دەدٸ ادۆوكات.
شەرزات بولاتتىڭ ٶلٸمٸ تۋرالى نە بەلگٸلٸ?
ەسكە سالايىق, بىلتىر تالعاردا جاپپاي تٶبەلەس بولىپ, سالدارىنان 16 جاستاعى جاسٶسپٸرٸم شەرزات بولات كٶز جۇمدى.
كەمەلەتكە تولماعان بالانى ٶلتٸرۋ دەرەگٸ بويىنشا الماتى وبلىسىنىڭ پوليتسييا دەپارتامەنتٸ قىلمىستىق ٸس قوزعادى. سونداي-اق, ولاردىڭ ٷيٸ ٶرتەنٸپ كەتتٸ.
كٶپ ۇزاماي, ياعني 9 جەلتوقساندا مارقۇم شەرزات بولاتتىڭ اعاسى نۇرعانات عايىپباەۆ اجال قۇشتى. پوليتسييا دەپارتامەنتٸ الدىن الا دەرەكتەر بويىنشا ول سۋيتسيد جاساعانىن مەلٸمدەدٸ. وعان دەلەل رەتٸندە پوليتسەيلەر نۇرعاناتتىڭ تۋىسىنا مەسسەندجەر ارقىلى جازعان حاتىن جارييا ەتتٸ.
ال مارقۇم شەرزاتتىڭ ەكەسٸ باۋىرى نۇرعانات عايىپباەۆتى جەر قوينىنا تاپسىرعاننان كەيٸن بۇقارالىق اقپارات قۇرالدارىمەن كەزدەسۋدٸ تالاپ ەتٸپ, كٶشەگە شىقتى. الايدا اراعا ۇزاق ۋاقىت سالماي قارجاۋباي نۇرىموۆتى پوليتسييا قىزمەتكەرلەرٸ ۇستاپ ەكەتتٸ. ارتىنشا شەرزات بولاتتىڭ ەپكەسٸ قاماۋعا الىندى. كەيٸن قارجاۋباي نۇرىموۆ 15 تەۋلٸككە ەكٸمشٸلٸك قاماۋعا الىندى.
جۋىردا وسى ٸس بويىنشا سوت شەشٸمٸ شىقتى. تەرگەۋ مەلٸمەتٸنشە, شەرزاتقا پىشاق جاراقاتىن سالعان باستى ايىپتالۋشى ابزال شىناسىل 23 جىلعا باس بوستاندىعىنان ايىرىلدى. راۆيل ساكيەۆ 20 جىلعا سوتتالدى.
قالعان ايىپتالۋشىلار 7 جىلدان 15 جىلعا دەيٸن باس بوستاندىعىنان ايىرىلدى. كەمەلەتكە تولماعان ى.د. 1,5 جىلعا باس بوستاندىعىنان ايىرىلدى.
