سولتۇستىك امەريكانىڭ اۋە-عارىشتىق قورعانىس قولباسشىلىعى NORAD اقش-تىڭ گرەنلانديانىڭ سولتۇستىك-باتىسىندا ورنالاسقان پيتۋففيك عارىش بازاسىنا ۇشاقتار باعىتتايتىنىن مالىمدەدى، دەپ حابارلايدى Dala News.
قولباسشىلىقتىڭ ح جەلىسىندەگى حابارلاماسىندا بۇل رەيستەر بۇرىننان جوسپارلانعان NORAD ءىس-شارالارى اياسىندا جۇزەگە اساتىنى ايتىلعان. اسكەري ۇشاقتار جاقىن ۋاقىتتا بازاعا جەتۋى ءتيىس.
NORAD مالىمەتىنشە، اتالعان ارەكەتتەر دانيا كورولدىگىمەن كەلىسىلگەن جانە بارلىق قولداۋشى كۇشتەر قاجەتتى ديپلوماتيالىق رۇقساتتارمەن جۇمىس ىستەپ جاتىر. سونىمەن قاتار، گرەنلانديا ۇكىمەتى دە جوسپارلانعان شارالار جونىندە الدىن الا حاباردار ەتىلگەن.
كوماندوۆانيە بۇل ميسسيالاردىڭ ءقاۋىپ توندىرمەيتىنىن جانە ايماقتاعى ارىپتەستەرمەن تولىق ۇيلەستىرىلگەنىن اتاپ ءوتتى.
