قازاقستاندىق كەسٸپكەر جەنە ساياساتكەر بولات ەبٸلوۆ ەكس-مينيستر قۋاندىق بيشٸمباەۆپەن كەزدەسۋٸ جەنە بيشٸمباەۆ پەن نازارباەۆتىڭ بايلانىسى تۋرالى ايتتى, - دەپ حابارلايدى Dalanews.kz.
ەبٸلوۆ بيشٸمباەۆپەن ول تٷرمەگە وتىرار الدىندا كەزدەسكەنٸن, العاشىندا ينتەللەگەنتتٸ ازامات بولىپ كٶرٸنگەنٸن ايتادى.
«بٸزگە سولاي كٶرٸندٸ. ٶتە تەربيەلٸ ادام بولىپ كٶرٸندٸ. ول «بەيتەرەكتە» (حولدينگ) بولعان, سول كەزدە «برك» بانككە كرەديت الۋدى جوسپارلاپ جٷرگەنبٸز. كەيٸنٸرەك ول باسقالارمەن قالاي سٶيلەسەتٸنٸن ەستٸدٸك: مەدەنيەتسٸز, دٶرەكٸ ەكەن. «پاتسان» بولا تۇرا مەملەكەتتٸك قىزمەتتە جوعارى دەرەجەگە جەتكەن ادام, بٸراق بۇل دا ەدٸلەتسٸز, ورىنسىز بولعان نەرسە. ەسكٸ قازاقستاننىڭ ٶزٸ «ەسكٸلەر» جەنە «بولاشاقتىڭ ەليتالارى» دەپ بٶلٸنٸپ جٷرگەندە, ولار (بولاشاق تٷلەكتەرٸ) بيلٸككە تالاسىپ, ٶزٸن پرەمەر-مينيستر كٶرە باستاعاندا ەسكٸ ەليتا بايبەككە دە, بيشٸمباەۆقا دا قىلمىستىق ٸستٸ ارتىپ قويماق بولعان. بيشٸمباەۆ – ەسكٸ قازاقستاننىڭ تاۋارى, ول نازارباەۆ ٶسٸرگەن بالا. بۇل جەكە ماقساتتاعى مەسەلە. مەملەكەتتٸك تٶڭكەرٸس جاساماق بولعان مەسٸموۆ ۇلتتىق قاۋٸپسٸزدٸككە جاۋاپ بەرگەن. ال قۋاندىق بيشٸمباەۆ ەيەلٸنە كٶمەكتەسٸپ, جەدەل جەردەم شاقىرۋدىڭ ورنىنا كٶرٸپكەلگە حابارلاسا باستاعان. بۇل - جامان پيعىلدى ادامدار», - دەيدٸ ەبٸلوۆ «گيپەربورەي» YouTube-ارناسىنا بەرگەن سۇحباتىندا.
سونىمەن قاتار, بولات ەبٸلوۆ بيشٸمباەۆ پەن نازارباەۆتىڭ بايلانىسى تۋرالى ايتتى.
«بيشٸمباەۆ – نازارباەۆتىڭ ەركەسٸ بولعان. سەنٸم ارتاتىن ادامى بولعان. ول نازارباەۆتىڭ كٶمەكشٸسٸ بولعان. نازارباەۆقا ۇناپ, نازارباەۆ ونى دامىتا باستادى. بٸراق بيشٸمباەۆ ەشبٸر قىزمەتٸندە نەتيجە كٶرسەتپەگەن. كوررۋپتسييامەن اينالىسىپ, «بولاشاقتى» بٸرگە بٸتٸرگەن ادامدارىن قىزمەتكە قويىپ, قالتاسىن تومپايتىپ جٷرگەن. پرەمەر-مينيستر بولعىسى كەلگەن», - دەيدٸ بولات ەبٸلوۆ.
ايتا كەتەيٸك, استانا قالاسىنىڭ مامانداندىرىلعان اۋدانارالىق سوتىندا قۋاندىق بيشٸمباەۆقا قاتىستى قىلمىستىق ٸس بويىنشا سوت وتىرىسى ەلٸ دە جالعاسىپ جاتىر. ونى دٷيٸم جۇرت جوعارعى سوتتىڭ YouTube كانالىنان ونلاين تاماشالاۋدا.
ازاماتتىق نەكەدەگٸ ەيەلٸ سالتانات نٷكەنوۆانى ٶلتٸردٸ دەگەن ايىپپەن سوتتالىپ جاتقان ەكس-مينيستر قۋاندىق بيشٸمباەۆتى ادۆوكات لەيلا رامازانوۆا, نازكەن قۇسايىنوۆا, ەرلان عازىمجانوۆتار قورعاپ جاتىر.
ال مارقۇم سالتانات نٷكەنوۆانىڭ اعاسى ايتبەك امانگەلدٸ مەن ونىڭ وتباسىنىڭ ادۆوكاتتارى – جاننا ورازباحوۆا مەن الييا وماروۆا.
ەسكە سالايىق, 27 ناۋرىزدا ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەر تاڭدالعان ەدٸ. القابيلەر القاسىنا 12 ادام ٸرٸكتەلدٸ: 10 – نەگٸزگٸ قۇرام, 2 – قوسالقى. سودان كەيٸن اشىق سوت وتىرىستارى باستالدى.
سونىمەن قاتار, قۋاندىق بيشٸمباەۆ سوتتا سالتانات نٷكەنوۆانى اسا قاتىگەزدٸكپەن ٶلتٸرگەنٸن مويىندامادى. بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
بيشٸمباەۆقا ەكٸ باپ بويىنشا ايىپ تاعىلدى: اسا قاتىگەزدٸكپەن كٸسٸ ٶلتٸرۋ (15 جىلدان 20 جىلعا دەيٸن نەمەسە ٶمٸر بويىنا باس بوستاندىعىنان ايىرۋ); قيناۋ (4 جىلدان 7 جىلعا دەيٸن باس بوستاندىعىن شەكتەۋ نەمەسە وسى مەرزٸمگە باس بوستاندىعىنان ايىرۋ).
سونداي-اق ونىڭ تۋىسى باقىتجان بايجانوۆ تا كٷدٸكتٸ رەتٸندە قاماۋعا الىندى. وعان قىلمىستىق كودەكستٸڭ ەكٸ بابى بويىنشا ايىپ تاعىلعان. ناقتىراق ايتساق, 432-بابى (اسا اۋىر قىلمىستى جاسىرىپ قالۋ); 434-بابى (اسا اۋىر قىلمىستى حابارلاماۋ).
