پرەزيدەنت قاسىم-جومارت توقايەۆ ۇلتتىق قاۋىپسىزدىك كوميتەتىنىڭ قىزمەتىنە ءبىرقاتار وزگەرىستەر ەنگىزدى. ونىڭ ىشىندە، ەكس پرەزيدەنت نازاربايەۆتى قورعاۋ ۇقك-نىڭ مىندەتتەرىنەن الىنىپ تاستالدى. جارلىققا وزگەرتۋلەر ەنگىزۋ تۋرالى جارلىعى 18 ناۋرىزدا جاريالاندى، - دەپ حابارلايدى Dalanews.kz.
جارلىققا سايكەس، ۇلتتىق قاۋىپسىزدىك كوميتەتى تۋرالى ەرەجەگە ءبىرقاتار وزگەرتۋ مەن تولىقتىرۋ ەنگىزىلىپ وتىر.
ۇلتتىق قاۋىپسىزدىك كوميتەتىنە مىناداي وكىلەتتىكتەر بەرىلدى:
- اقپاراتتىق جۇيەلەردى جانە ەلەكتروندىق اقپاراتتىق رەسۋرستاردى، ارنايى تەحنيكالىق قۇرالداردى، بايلانىس جۇيەلەرىن، ارنايى ماقساتتاعى تەلەكوممۋنيكاسيالار جەلىلەرىن، دەرەكتەردى بەرۋ جۇيەلەرىن، اقپاراتتىڭ تەحنيكالىق ارنالار ارقىلى تارالىپ كەتۋىنەن قورعاۋ قۇرالدارىن، ولاردى باعدارلامالىق قامتىلىمىن، قارۋ-جاراق پەن جاراقتاردى ازىرلەۋ، ساتىپ الۋ، قۇرۋ (كريپتوگرافيالىق قورعاۋ قۇرالدارىن قوسپاعاندا)، ىسكە قوسۋ جانە پايدالانۋ، شيفرلاۋ جانە شيفردى اشۋ جۇمىستارىن ۇيىمداستىرۋ. وسى ماقساتتاردا قازاقستان رەسپۋبليكاسىنىڭ مەملەكەتتىك ورگاندارىمەن جانە مەنشىك نىسانىنا قاراماستان ۇيىمدارىمەن، شەت مەملەكەتتەردىڭ ارناۋلى قىزمەتتەرىمەن جانە ۇيىمدارىمەن شارتتار، كەلىسىمشارتتار جاساۋ؛
- مەملەكەتتىك قۇپيالاردى قۇرايتىن مالىمەتتەردى قامتيتىن ەلەكتروندىق اقپاراتتىق رەسۋرستاردى قۇرۋ، الۋ، جيناقتاۋ، قالىپتاستىرۋ، تىركەۋ، ساقتاۋ، وڭدەۋ، جويۋ، پايدالانۋ، بەرۋ، قورعاۋ؛
- مەملەكەتتىك قۇپيالارعا جاتقىزىلعان، قورعالىپ ورىندالعان اقپاراتتىق جۇيەلەردى قۇرۋ، پايدالانۋ، دامىتۋدى، قولداپ وتىرۋدى، ينتەگراسيالاۋدى، پايدالانۋدى توقتاتۋدى، قورعاۋدى جۇرگىزۋ؛
- مەملەكەتتىك قۇپيالاردى قۇرايتىن مالىمەتتەردى قامتيتىن ەلەكتروندىق قۇجاتتاردى جانە وزگە دە دەرەكتەردى مەملەكەتتىك قۇپيالارعا جاتقىزىلعان، قورعالىپ ورىندالعان اقپاراتتىق جۇيەلەردى پايدالانا وتىرىپ جيناۋدى، وڭدەۋدى، ساقتاۋدى، بەرۋدى، ىزدەۋدى، تاراتۋدى، پايدالانۋدى، قورعاۋدى، تىركەۋدى، راستاۋدى جانە جويۋدى جۇزەگە اسىرۋ؛
- ۇلتتىق قاۋىپسىزدىك ورگاندارى قىزمەتكەرلەرىنە ارناۋلى تەكسەرۋ جۇرگىزۋ.
سونىمەن قاتار ۆەدومستۆوعا جاڭا مىندەتتەر جۇكتەلدى:
- مەملەكەتتiك قىزمەتكە العاش رەت نەمەسە مەملەكەتتىك قىزمەتتى توقتاتقاننان كەيiن وعان قايتا كىرەتىن، سونداي-اق سۋديا، قازاقستان رەسپۋبليكاسى ۇلتتىق بانكىنىڭ جانە ونىڭ ۆەدومستۆولارىنىڭ قىزمەتشىسى، قارجى نارىعى مەن قارجى ۇيىمدارىن رەتتەۋ، باقىلاۋ جانە قاداعالاۋ جونىندەگى ۋاكىلەتتى ورگاننىڭ قىزمەتشىسى، ازاماتتىق اۆياسيا سالاسىنداعى ۋاكىلەتتى ۇيىمنىڭ اۆياسيالىق قاۋىپسىزدىك سالاسىندا باقىلاۋ مەن قاداعالاۋ فۋنكسيالارىن جۇزەگە اسىراتىن اۆياسيا ينسپەكتورى لاۋازىمىنا ورنالاسۋعا ۇمىتكەر قازاقستان رەسپۋبليكاسىنىڭ ازاماتتارىنا ارنايى تەكسەرۋ جۇرگىزۋگە جونىندەگى نۇسقاۋلىقتى ازىرلەۋ؛
- مەملەكەتتىك قۇپيالاردى جانە ولاردىڭ كوزدەرىن شەت مەملەكەتتەرگە جانە (نەمەسە) حالىقارالىق ۇيىمدارعا بەرۋ قاعيدالارىن ازىرلەۋ؛
- مەملەكەتتىك قۇپيالاردى قورعاۋ سالاسىنداعى نورماتيۆتىك قۇقىقتىق اكتىلەردى مەملەكەتتىك قۇپيالاردى قورعاۋدىڭ ماقساتى مەن مىندەتتەرىنە سايكەس ازىرلەۋ جانە بەكىتۋ؛
- اسكەري، ارناۋلى وقۋ ورىندارىنان نەمەسە شەت مەملەكەتتەردىڭ ءبىلىم بەرۋ ۇيىمدارىنان ۇلتتىق قاۋىپسىزدىك ورگاندارىنىڭ قىزمەتكەرلەرى مەن اسكەري قىزمەتشىلەرىن شىعارىپ جىبەرۋ قاعيدالارىن ازىرلەۋ جانە بەكىتۋ
- ۇلتتىق قاۋىپسىزدىك ورگاندارىندا كادرلىق قۇرامدى پاتريوتتىق، ادامگەرشىلىك جانە رۋحاني تاربيەلەۋگە جانە قۇقىق بۇزۋشىلىقتاردىڭ الدىن الۋعا باعىتتالعان جۇمىستى جۇزەگە اسىرۋ قاعيدالارىن ازىرلەۋ جانە بەكىتۋ؛
- قازاقستان رەسپۋبليكاسىنىڭ اۋماعىندا سىرتقى بارلاۋ سالاسىنداعى زاڭدىلىقتىڭ ساقتالۋىنا جوعارى قاداعالاۋدى جۇزەگە اسىراتىن ۋاكىلەتتى پروكۋرورلاردىڭ تىزبەسىن كەلىسۋ؛
- قازاقستان رەسپۋبليكاسى پرەزيدەنتىنىڭ قاۋىپسىزدىگىن قامتاماسىز ەتۋگە قاتىسۋ ("قازاقستان رەسپۋبليكاسىنىڭ تۇڭعىش پرەزيدەنتى - ەلباسى تۋرالى" كونستيتۋسيالىق زاڭىنىڭ كۇشى جويۋىنا بايلانىستى).
