9 قاڭتاردا اق ءۇي تاراتقان حابارلامادا «ەكى ەلدىڭ ليدەرى ايماقتىق قاۋىپسىزدىك جانە ەكونوميكالىق ىنتىماقتاستىق ماسەلەسىندە ستراتەگيالىق ارىپتەستىكتىڭ كەڭەيۋى مەن نىعايۋىن تالقىلايدى» دەلىنگەن.
بىرىككەن ۇلتتار ۇيىمىنداعى (بۇۇ) قازاقستان ەلشىسى قايرات وماروۆ 1 قاڭتاردا بۇۇ قاۋىپسىزدىك كەڭەسىندە ايسايىنعى روتاسيالى جاڭارىپ تۇراتىن ءتوراعالىقتى قابىلدادى. ونىڭ باقىلاۋىندا يرانداعى نارازىلىق اكسيالارى مەن وزگە دە ماسەلەلەر ءوتتى. اق ءۇي ترامپ پەن نازاربايەۆ كەزدەسۋىندە اۋعانستانداعى جاعدايدىڭ دا ءسوز بولاتىنىن ايتتى.
9 قاڭتاردا نازاربايەۆ استانادا اقش-تىڭ قازاقستانداعى توتەنشە جانە وكىلەتتى ەلشىسى دجوردج كرولمەن كەزدەسكەن.
قازاقستاندا امەريكالىقتاردىڭ قاتىسۋىمەن 500 كومپانيا جۇمىس ىستەيدى. ونىڭ 140-ى بىرلەسكەن كاسىپورىن. ولار تاۋار ءوندىرىپ، ونى ەكسپورتتاۋمەن اينالىسادى.
