بۇل تۋرالى قازاقپارات حابارلادى.
«سالىستىرمالى تۇردە تومەن جالاقى الاتىن قازاقستاندىقتاردى قولداۋ ءۇشىن 2019 جىلدىڭ 1-قاڭتارىنان باستاپ ولاردىڭ سالىق جۇكتەمەسىن 10 ەسەگە ازايتىپ، 1 پروسەنت قانا الۋدى ۇسىنامىن»، — دەپ اتاپ ءوتتى مەملەكەت باسشىسى.
ايتا كەتەرلىگى، بىرلەسكەن وتىرىسقا ق ر جوعارعى سوتى، ق ر ۇكىمەتىنىڭ مۇشەلەرى تولىق قۇرامدا، ق ر پرەزيدەنتىنە تىكەلەي ەسەپ بەرەتىن جانە باعىناتىن ورگان باسشىلارى، ۇلتتىق كومپانيالار مەن مەملەكەتتىك ۇيىمدار باسشىلارى قاتىسىپ وتىر.
وسى ورايدا ەلباسى وسىنداي تومەندەۋدەن بوساتىلعان قارجى ولاردىڭ ەڭبەگىن تولەۋدى ارتتىرۋعا باعىتتالۋى قاجەت ەكەنىن اتاپ ءوتتى.
«ناتيجەسىندە جالدامالى جۇمىسشىلاردىڭ ۇشتەن ءبىر بولىگىنەن كەم ەمەسى، ياعني ەكى ميلليوننان استام ادامدا ەڭبەكاقىسى جۇمىس بەرۋشىلەرگە ەش جۇكتەمەسىز وسەتىن بولادى. ارى قاراي ۇكىمەتكە تابىس سالىعىنىڭ پروگەسسيۆتى شكالاسىن ەنگىزۋ مۇمكىندىگىن زەردەلەۋ كەرەك»، — دەدى نۇرسۇلتان نازاربايەۆ.
