ناۆالنىي ادۆوكاتتارىنىڭ "ينتەرفاكس" اگەنتتىگىنە حابارلاۋىنشا، ساياساتكەر ءوزىن ەكسترەميستەر مەن تەرروريستەر تىزىمىنەن الىپ تاستاۋىن تالاپ ەتتى. فەدەرالدىق قىزمەت ناۆالنىيدى بۇل تىزىمگە 25 قاڭتاردا قوسقان.
بۇل تىزىمدە ساياساتكەردىڭ جاقتاستارى لەونيد ۆولكوۆ، يۆان جدانوۆ، ليۋبوۆ سوبول، ۆياچەسلاۆ گيمادي، گەورگيي البۋروۆ جانە رۋسلان شاۆەددينوۆ تە بار. ولارعا ەكسترەميستىك قاۋىمداستىق قۇردى دەگەن ايىپ تاعىلعان.
مۇنداي تىزىمدە ەسىمى اتالعانداردىڭ بانكتەردەگى ەسەپ-شوتتارى بۇعاتتالادى.
2021 جىلعى ماۋسىم ايىندا ماسكەۋ قالالىق سوتى ناۆالنىي قورى مەن ناۆالنىي شتابىن ەكسترەميستىك ۇيىم دەپ تانىپ، وعان جۇمىس ىستەۋگە تىيىم سالعان.
