كٷنٸ كەشە, 30 قازان كٷنٸ الماتى قالاسى ناۋرىزباي اۋدانىنداعى №214 مەكتەپتە دالا, كەنجەتاەۆ جەنە جۋالى كٶشەلەرٸنٸڭ تۇرعىندارى قاتىسقان كەزدەسۋ ٶتتٸ. جيىندا ەلەكترمەن قامتۋ, سۋمەن جابدىقتاۋ جەنە اۋىز سۋدىڭ ساپاسىنا قاتىستى ٶزەكتٸ مەسەلەلەر تالقىلاندى, دەپ حابارلايدى Dalanews.kz.
كەزدەسۋگە الماتى قالالىق ەنەرگەتيكا جەنە سۋمەن جابدىقتاۋ باسقارماسى, «تاراز ەنەردجي» جشس جەنە «الماتى سۋ» مەكەمەسٸنٸڭ ٶكٸلدەرٸ قاتىستى.
كەزدەسۋ قورىتىندىسى بويىنشا:
- ەنەرگەتيكا جەنە سۋمەن جابدىقتاۋ باسقارماسى دالا جەنە جۋالى كٶشەلەرٸندەگٸ ٷيلەرگە ارنالعان ترانسفورماتورلىق پودستانتسييالاردى قاراشا ايىنىڭ سوڭىنا دەيٸن قوسىپ بٸتٸرۋ تۋرالى شەشٸم قابىلدادى;
- «تاراز ەنەردجي» جشس شۇعىلا شاعىن اۋدانىنداعى ەلەكتر جەلٸلەرٸن جاڭعىرتۋ جۇمىستارىن 2025 جىلعى 20 قاراشاعا دەيٸن اياقتاۋعا مٸندەتتەلدٸ;
- «الماتى سۋ» مەكەمەسٸ سۋدىڭ ساپاسىنا بايلانىستى شاعىمدارعا وراي ەرتەڭنەن باستاپ جەرگٸلٸكتٸ جەرگە ماماندار جٸبەرٸپ, سۋ جەلٸلەرٸن تەكسەرٸپ, بٷلٸنگەن پلومبالاردى قالپىنا كەلتٸرەدٸ.
سونىمەن قاتار اشىقتىقتى قامتاماسىز ەتۋ ماقساتىندا «الماتى سۋ» ٶكٸلدەرٸ تۇرعىندارمەن بٸرگە سۋ ەسەپتەگٸش قۇرالدارىنىڭ كٶرسەتكٸشتەرٸن تٸركەۋگە قاتىسپاق. بۇل پلومبالاردىڭ بٷلٸنۋٸنە جول بەرمەۋ ٷشٸن جاسالادى.
ايتا كەتسەك, اتالعان كٶشەلەردەگٸ سۋ جٷيەلەرٸ بٷگٸندە «الماتى سۋ» مەكەمەسٸنٸڭ بالانسىنا ٶتكەن. سوندىقتان بارلىق اپاتتى جەنە قالپىنا كەلتٸرۋ جۇمىستارى تەگٸن جٷرگٸزٸلەدٸ.
ەسكە سالايىق, بۇعان دەيٸن بەلگٸلٸ جۋرناليست ايبار ولجاي دالا كٶشەسٸ تۇرعىندارىنىڭ ۇزاق ۋاقىت بويى شەشٸمٸن تاپپاي كەلگەن مەسەلەلەرٸن كٶتەرگەن ەدٸ. ولار ون جىلدان استام ۋاقىت بويى قالانىڭ بالانسىنا قابىلدانباي, تۇرعىندارى ەلەكتر جارىعىن جەكەمەنشٸك كومپانييالاردان بٸرنەشە ەسە قىمبات باعاعا ساتىپ الۋعا مەجبٷر بولعان.
"تاريفتٸڭ قىمباتتىعى ٶز الدىنا. تٸپتٸ سول جارىق اپتا سايىن 4-5 رەت سٶنەدٸ. قازٸر ٷي ەكٸ كٷننەن بەرٸ جارىقسىز وتىر. ناۋرىزباي اۋدانى ەكٸمدٸگٸ ٷيدٸ قالا بالانسىنا قوسامىز دەپ سوڭعى 5 جىل بويى ۋەدە بەرٸپ كەلەدٸ. بٸراق ٸس جٷزٸندە ەشقانداي نەتيجە جوق", - دەيدٸ ولجاي.
ونىڭ ايتۋىنشا, بيىل كٶكتەمدە كٶشە تۇرعىندارى ناۋرىزباي اۋدانىنىڭ ەكٸمٸ نازيرا توعىزباەۆامەن كەزدەسٸپ, مەسەلەنٸ تالقىلاعان. ەكٸم سول كەزدە “مەسەلە قىسقا مەرزٸمدە شەشٸلەدٸ, تاريف كٶتەرٸلمەيدٸ” دەپ ۋەدە بەرگەن. الايدا ارادا بٸرنەشە اي ٶتسە دە, ناقتى نەتيجە جوق, كەرٸسٸنشە تاريف 1 كۆت ٷشٸن 48–52 تەڭگەگە دەيٸن كٶتەرٸلگەن.
“ال دالا كٶشەسٸندە جارىق جيٸ سٶنەدٸ. ٷيلەرٸندە تٶرت كٸشكەنتاي بالا بار. قىستا ولار تٸپتٸ ٷيدٸ جىلىتۋ ٷشٸن گاز قازاندىعىن قوسا المايدى. سەبەبٸ ول ەلەكتر قۋاتىنا تەۋەلدٸ. قاقاعان قىس كەلە جاتىر. الماتىنىڭ ورتاسىندا وتىرعان بۇل وتباسىنىڭ تاعدىرى كەدٸمگٸدەي الاڭداتىپ وتىر. نازيرا اسىلبەكقىزى ٶتە ٸسكەر ەكٸم. وسى مەسەلەنٸ تەز شەشەدٸ دەگەن ٷمٸت بار”, — دەپ تٷيٸندەدٸ جۋرناليست.
